→ كل الوصفات
وصفتي الخاصة ساعة فالكوكوط تكون واجدة
المقادير
- علبة ملوخية وزن 100غ
- لحم حسب أفراد عيلتك
- حبة بصل
- مغرف كبيرة طماطم مصبرة
- هريسة
- 3 ورقات رند
- زيت
- 4 فصوص كبار ثوم
- توابل
- ملح حسب الرغبة
- فلفل اخضر حار
- حبة طماطم صغيرة
طريقة التحضير
- ندير اول حاجة الماء يسخن نمرق بيه
- نرحي حبة لبصل والثوم نديرهم في كوكوط نزيد عليهم كمية قليلة من الزيت وطراف اللحم ونخليهم يتقلو شوي ونزيد عليهم الطماطم والهريسة والرند والتوابل والملح
- نخليهم يتقلو ونمرق بالماء سخون وبعد نروحو للملوخية نديروها في كصرونة ونزيد علاها الزيت حتى يخفاف معايا لخليط ممكن تهزلك كاس كامل زيت ونديرهم يتقلو خمسة دقايق على نار قليلة مع التحريك
- نضيفهم للكوكوط نخلط ونسكر عليهم الكوكوط ونقص النار حتى يطيب اللحم كي يطيب اللحم نزيد الفلفل وحبة الطماطيش ونقوي النار نخلاها تخثار كي تخثار النقص النار باه تخرج زيتها وبعد بصحتكم
- ملاحظة برك ردو بالكم من الملح الملوخية اساسا مالحة مع تختار قادرة تجيك ما تنتكلش ديري المرة الأولى شويييي وكي الطيب ذوڨي وزيدي الا جاتك ناقصة
- استيس تقلية الملوخية فالزيت تسرع في عملية الطياب تاعها وتجيك لماعين تاعها ساهلة فالغسيل هههههه واذي اهم نقطة عنا نحنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد