→ كل الوصفات

ملوخية بالفروج

#وصفتي_الاولى

  • 400 غرام ملوخية
  • من 3 ل 4 سنون توم
  • كزبرة
  • ملح وبهار
  • فروج صدر او فخاد حسب الرغبة
  • سمنة او زيت نباتي
  1. ننقي الملوخية ونغسلا ونعملا ع شكل طابات ونحطا بمصفاية لتصفي المي تبعا
  2. طبعا ع جنب منكون سلقنا الفروج وفصفصناه
  3. بالطنجرة منحط السمنة والتوم والكزبرة منقليون شوي
  4. منضيف الملوخية المغسولة ومنحركا شوي لتنقلى ويصيرو خطوط الورق ع بياض
  5. منضيف فوقا مية الفروج حسب الرغبة والملح والبهار
  6. منغطيا ومنتركا ع نار هادية تستوي
  7. واخر شي طبعا منضيف الفروج منتركا شي 5 دقايق ع النار ومنطفي
  8. وهيك بتكون اكلتنا صارت جاهزة 😘 وصحة وهنا
عجبتك الوصفة؟
شوف كل وصفاتنا في مكان واحد
كل الوصفات →