→ كل الوصفات

ملوخية بالكسبره الخضراء

الملوخية اكله جميله بعشقها ودي طريقتي في طبخها انا بعملها خفيفه وبدون طشه ولا اي دهون فيها بخلاف دهون الشوربه مع اضافة الكزبره الخضراء والثوم المفروم بتبقي روعه وخفيفه جداً اتمنى تجربوها وصحتين يارب🌹

  • 1/2 كيلو ملوخية خضراء
  • 1/2 حزمة كزبرة خضراء
  • ملعقه صغيره كزبرة مطحونة
  • مكعب مرقة خضار
  • ملح وفلفل اسود حسب الرغبة
  • رشة سكر
  1. لو الملوخية اوراق طازجه هنغسلها كويس ونفرمها في الكبه مع الكزبره الخضراء وملعقة الثوم وكوباية شوربة ساقعه
  2. ولو الملوخية مجمدة يبقى هنفرم الكزبره الخضراء مع ملعقة الثوم ونضيفها للملوخيه بعد ما نفكها بشوية شوربة على النار
  3. نضع الملوخية على النار مع الكزبره الخضراء وملعقة الثوم ونتركها لتغلي ونضع الكزبره المطحونه ومكعب المرقه والسكر ونقلب خفيف وتغلي شويه ونقفل النار
  4. وبالف هنا احلى ملوخية بس بلاش ننسي ونغطيها علشان متسقطش مننا 😘🌹❤
عجبتك الوصفة؟
شوف كل وصفاتنا في مكان واحد
كل الوصفات →