→ كل الوصفات

ملوخية باللحم

طريقة عمل ملوخية باللحم سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 200 غرام ملوخية
  • باقة كزبرة خضره مفرومة
  • 0.5 كيلو لحمة شقف (انا بفضل لحم موزات او كتف)
  • حوالي 7 فصوص ثوم مقطع حلقات و5 مهروس
  • ملعقتين كبار فليفلة حمرا حرّة مهروسة
  • ملعقة طعام كزبرة يابسة
  • 2 ليمون حامض معصور
  • مكعب ماجي
  • سمنة حسب الطلب
  • ملح حسب الطلب
  • عطريات للحمة ورق غار و3 حبات هيل وسر الاستوا (حبة عجوة (تمر)التمر 😉)
  1. ننقي الملوخية ومنقعا بماء ساخن ومنصفيها منيح
  2. منغسل اللحم منضيف الماء والمواد العطرية ومنسلقه بعدين منصفيه منحط اللحم على جنب ومنحتاج ماء السلق
  3. بطنجرة الطبخ منحمي السمنة ومنضيف حلقات الثوم والكزبرة الخضرا ومنقلي بعدين منضيف الملوخية شوي شوي ومنقلب علتقلاية بعدين منصب ماء سلق اللحمة واذا ما كفت منضيف ماء ساخن ليغمر الملوخية وشوي زيادة
  4. منضيف مكعب ماجي ومنترك الطنجرة بعد ما تغلي على نار هادية حوالي ٤٥ دقيقة
  5. منضيف حامض وملح واللحمة المسلوقة
  6. على جنب منقلي سمنة مع الثوم المدقوق الفليفلة المهروسة والكزبرة اليابسة ومنصب التقلاية فوق الملوخية وشمو الروائح الطيبة 😋
  7. منتركن يتقلبو على النار حوالي خمس دقائق ومنطفي تحتن
  8. بينعمل جنبا رز بشعيرية وصحة وهنا
عجبتك الوصفة؟
شوف كل وصفاتنا في مكان واحد
كل الوصفات →