→ كل الوصفات
طريقة عمل ملوخية بصدور الدجاج سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو ملوخية ورق
- 4 صدور دجاج مسلوقة
- حبتين فلفل اخضر حار
- رأس ثوم مهروس
- مرق سلق الدجاج
- ملح وفلفل وملعقة صغيرة كزبرة
طريقة التحضير
- بنحط زيت بالطنجرة وبنضيف الفلفل المقطع وبنقلب وبنضيف نص كمية الثوم المهروس وبنقلب
- بنضيف صدور الدجاج بعد السلق والتقطيع وبنضيف مرق الدجاج وبنتركه لحتى يغلي
- بنضيف الملوخية المفرومة ناعم (انا بفرم كيلو ملوخية ايام بفرم يدوي لما تكون الكمية صغيرة ولكن لما تكون الكمية أكبر بفرم على فرامة الورقيات كتييير ممتازة للفرم بنصحكم تجيبوها ٤ لتر للي عندها عيلة وبطبخ نص كمية الملوخية والباقي بفرزها) وبنضيف باقي كمية الثوم المهروس
- بنشيل الرغوة اللي رح تطلع وخليني اعطيكم سر للموخية علشان تضل خضرة ضيفو نص ملعقة صغيرة كربونات الصوديوم وادعولي ♥️
- المهم ما بنكتر غلي وازا حبيتوها تقيلة وتاكلوها بخبز ما تكترو مرق دجاج وازا اكلتو مع الرز بتقدرو تخففو سماكتها
- وبتتقدم مع الرز والمخلل والطعم ولا اروع بصراحة ما في اطيب من هاي الطبخة وخاصة من تحت دياتي 😌 وما باكلها من اي حد لحتى اكون متأكدة كيف انفرمت هههههه وصحتين وعافيه ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد