→ كل الوصفات

ملوخية بنينة تقتل 👍

ملوخية على أصولها نحبها بالصدر تاع الدجاج تجي بنينة ومتجيش قاطعة قد ما توكلي ماتشبعيش

  • 4 مغارف ونص ملوخية
  • 1/2 صدر دجاج
  • بصلة
  • 3 سنات ثوم
  • زيت
  • ملح
  • ربع مغرف طماطم مصبرة
  • فلفل حار
  • التوابل: فلفل اسود وأفاح
  1. على بركة الله نبدأ نجيب الكوكوت (الطنجرة) نحط الزيت يسخن نزيد عليه لبصل والثوم ونخليه يتقلى مليح مليح ندير الملح والدجاج نزيد الملوخية ندير التوابل والطماطم ونقلي مليح مليح ونحرك كول من بعد نمرق بكأس ماء ونحرك بسرعة ومن بعد نمرق فرد مرة ونقفل الكوكوت (الطنجرة) كي تقرب طيب وتبدأ طلعلي الزيت ندير الفلفل الحار ونخليها حتى تصفي ونطفي عليها ونغطيها ونخليها ثاني وحدة 3 دقائق ومن بعد نقدمها
  2. نقدمها مع المطلوع وبالصحة والهنا
  3. النصائح : انا مع المعاملة وليت نعرف المقدار تاع الزيت عيني ميزاني ماء البارح حاولت نعرف المقادير حطي 4 مغارف ونص ملوخية في طبسي وزيدي الزيت حتى تولي جارية شويا مش عجينة
  4. اذا خفت ديري نفس الكيل زيت نفسو ملوخية بصح ديري زيت في الكوكوت لتقلي بيه البصل والدجاج عادي ماشي قليل
  5. لازم نقلي ملوخيتي قبل مانمرقها
  6. خليها طيب في غرضها انا طيبتها مدة 5 سوايع على نار قليلة وتجي عسل قسما بالله
عجبتك الوصفة؟
شوف كل وصفاتنا في مكان واحد
كل الوصفات →