→ كل الوصفات

ملوخية خضرا بالطشة المصرية

اكلة مصرية اصيلة ويسلام عالشهقة ساعة الطشة خيااااال

  • 0.5 ك ملوخية خضره
  • كوبين شوربة دسمة نوعا ما
  • معلقتين سمن
  • معلقة ثوم مهروس
  • رشة بيكربونات الصوديوم
  • 0.5 ملعقة كزبرة ناشفة مطحونه
  1. الملوخيه نقطفها ونغسلها ونسيبها تنشف ونخرطها بالمخرطة او الكبة زي ماتحبو
  2. الشوربة تغلى كويس وهى بتغلى ننزل بالملوخية ونقلبها كويس عشان ماتكلكع معانا بعد كده ننزل عليها برشة بيكربونات الصوديوم رشة بسيطة اوووووى هانلاقيها هاتفور قبل ماتفور نقفل عليها البوتجاز ونسيب الغطا موارب شوية
  3. في طاسة صغيرة بقى نحط السمن والثوم ونص ملعقة كزبرة ناشفة نحمر الثوم يكون لونه ذهبي وبعد التحمير ننزل علـّۓ. الملوخية بالثوم ونحكم الغطا بتاع الحلة عليها ثانية واحدة ونرفع الغطا ثاني ونقلبها تقليبه ونحط عليها الغطا موارب زي الآۆلْ عشان تفضل خضره معانا
  4. والف هنا وشفا ومطرح مايسري يمري
عجبتك الوصفة؟
شوف كل وصفاتنا في مكان واحد
كل الوصفات →