→ كل الوصفات

ملوخية خضرا

كتير طيبة

  • حزمتين ملوخية منقا من الاعواد ومغسلين ومنشورين يوم واحد بس لاتدبل
  • وزن 1200غ دجاجة مسلوقة مع المطيبات
  • المطيبات
  • ورق غار
  • عود قرفة
  • هيل حب
  • قرنفل حب
  • فلفل اسود حب
  • بصلة صحيحة
  • رأس ثوم صحيح
  • 4 كوب ارز قصير الحبة منقوع ربع ساعة
  • 0.5 كوب شعيرية ناعمة
  • ملعقة صغيرة ملح للرز
  • ملعقة كبيرة معرمة سمنة للرز
  • ملعقتين كبار زيت نباتي
  • ملعقة صغيرة ملح
  • ملعقة كبيرة معرمة فليفلة مطحونة
  • رأسين ثوم مهروس للملوخيه
  • ملعقة كبيرة ملح للملوخيه
  • 4 حبات عصير ليمون
  • 0.5 كوب سمنة لتقلية الملوخية حوالي
  • 8 كوب ماء سخنة للرز
  • ملعقة كبيرة معرمة كزبرة يابسة مطحونة
  1. بنقي الملوخيه من الاعواد وبغسلا وبصفيها وبنشرا يوم واحد بس حتى تدبل معنا الملوخيه
  2. بمقلاية كبيرة وعميقة بضيف سمنة وبضيف الملوخيه وبقلبا شوي بالسمنة لاتتحمص معنا الملوخية حوالي ربع ساعة بشيلن عجنب
  3. الدجاج بسلوقو بطنجرة الضغط مع المطيبات ورق غار عود قرفة هيل حب قرنفل حب فلفل اسود حب وبضيف البصلة ورأس ثوم صحيح وبسكرا منيح وبخلي الدجاج يستوا ساعة
  4. بطنجرة بضيف ملعقة كبيرة معرمة سمنة وملعقتين الزيت وبقلب الشعيرية لاتتحمص وتتحمر معنا بضيف مي سخنة بخليها لاتغلي بصفي الرز وبضيفو وبستنا لايغلي بهدي النار وبسكر الطنجرة وبستنا لايستوا الرز ربع ساعة
  5. بشيل الدجاج وبنتفن بشيل الجلد والعظم وبضيفن فوق الملوخيه بقلاية بضيف شوية سمنة وبحمس الثوم المهروس مع الكزبرة بضيف الفليفلة وبقلبن بطفي االنار وبضيف التقلاية عل الملوخيه
  6. بصفي مرقة الدجاج عل الملوخيه وبضيف ملح وعصير الليمون وبعلي النار وبستنا لا تبلش تغلي معنا المرقة بهدي النار وبسكر الطنجرة وبستنا لاتستوا الملوخيه تقريبن نصف ساعة
  7. بسكب الرز بالشعيرية بطبق التقديم وبسكب الملوخيه بطبق التقديم ويقدم وصحتين
عجبتك الوصفة؟
شوف كل وصفاتنا في مكان واحد
كل الوصفات →