→ كل الوصفات
طريقة عمل ملوخية خضره سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو ملوخية مقطوفة
- 0.5 كيلو لحمة او قطع دجاج حسب الرغبة
- مكعب ماجي
- 3 رأس ثوم
- سمنة
- 3 كاسات ماء
- مطيبات للحمة
- كاس كزبرة مفرومة
- ملح حسب الرغبة
- رشة حمض او بندورة
- قرن فليفلة حارة (حسب رغبة اذا بتحبوه او لا)
طريقة التحضير
- اول شي منغسل الملوخية ومنحطها بمصفاية لتتصفى منيح
- بعدين منقلي اللحمة بالسمنة والمطيبات ومنضيفلها شوية ماء لحتى تستوي
- بس استوت اللحمةمنشيل المطيبات منها وبنزل الملوخية شوي شوي مع التحريك كل دفعة بقلب بعضها
- منضيف الثوم و3 كاسات ماء والماجي ومنتركهن لتغلى فيهن الماء حتى تستوي بس على نار وسط مو قوية كتير
- منقطع حبة بندورة ارباع او رشة حمض الليمون بدالها ومنحطها بقلب الملوخية حتى ما تمط معنا مرقتها وملح
- اذا احتاجت ماء الملوخية منرجع منضيفلا شوي مو كتير بس استوت عالاخر منضيف كاسة الكزبرة فوقهن منحركهن معهن ومنطفي النار تحتهن 🌹🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد