→ كل الوصفات

ملوخية عنابية

#التحدي_الفضي

  • كيس ملوخية فواحة او ذواقة
  • لحم غنمي او بقري او كرشة (كل واحد واش يحب) انا درتها بالبقري
  • كاس زيت المائدة ( انا مانديرش زيت زيتون نخليه غير الدواء برك 😏
  • راس بصل متوسط مرحي رقيق
  • راس ثوم متوسط مرحي رقيق
  • 2كعبات طماطم مرحيين مليح(انا ماعدتش ندير طماطم مصبرة)
  • ملح
  • راس الحانوت
  • 2 ورقات رند
  • شوية هريسة
  • 2 فلفل حار اخضر
  1. فوق النار : نضع برمة كبيرة و نضع فيها الزيت و الملوخية و نحرك حتى تبدا تتقلا حوالي 5 دقائق ثم نمرقها بالماء الساخن حوالي 3 لترات و نحرك مليح حتى تهز الغلوة و تتنحا منها الخيوط اللزجة مع التحريك و هذا حوالي 10 دقائق
  2. في هذا الوقت نضع كل المكونات الباقية (لحم،بصل،ثوم،طماطم،ملح،راس الحانوت،رند،هريسة) و نحرك مليح. و نخليها تغلي على نار متوسطة و مرة على مرة نحركها باش ماتلسقش و تتحرق. (تأخذ مدة طويلة في الطياب) عندك تنسايها تلقايها محروقة. كي يبدا يطلع الزيت اعرفي بلي قريب اطيبلك هنا طيشي 2 قرون حار (انا نموت عليها بالحار الاخضر). كي تخثار و يطلع الزيت مليح طفي النار و شهية طيبة
  3. ملاحظة : الملح عندك يكلحك ملحي على اساس كمية الملوخية الناتجة مش على الماء اللي مرقتي بيه. ديري مغرف صغيرة ملح و أمبعد كي تطيب ذوقي و شوفي اذا ناقصة زيدي
عجبتك الوصفة؟
شوف كل وصفاتنا في مكان واحد
كل الوصفات →