→ كل الوصفات

ملوخية مع الرز بشعيرية بنكهة الهيل

طريقة عمل ملوخية مع الرز بشعيرية بنكهة الهيل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 200 غرام ملوخية
  • 400 غرام لحمة مفرومة
  • ثوم عشر حبات مقطعين شرحات طولية
  • مكعبين مرق لحم العجل
  • ملعقة صغيرة ملح وفلفل
  • ملعقة صغيرة زنجبيل بودرة و هيل بودرة
  • فلفل احمر حار ملعقة صغيرة (اختياري)
  • ملعقتين طعام كبيرة كزبرة يابسة
  • ملعقتين طعام سمن بلدي
  • ملعقتين طعام زيت زيتون
  • ملعقة دبس فليفلة حلو
  • عصير ليمونة وملعقتين دبس رمان
  • كاستين رز بسمتي او قصير منئوع مسبقا
  • شعيرية نص كاسة تقريبا
  • ملعقة صغيرة ملح وفلفل
  • ملعقة صغيرة هيل بودرة
  • زيت نباتي
  1. نضفت الملوخية ونئعتها بماء فاترة وبعدين صرت اخدها بالتدريج وضعها بماء باردة وصفيتها
  2. حطيت السمن والزيت... زيت الزيتون بيعطي لورق الملوخية لمعة وطعم طيب. ئليت اللحمة وشرائح الثوم وبلشت ضيف عليهن البهارات ودبس الفليفلة ومكعبات الماجي وحركن
  3. بحط كمية من الملوخية وكل ماحط كمية بحركها منيح لحتى تخلص كمية الملوخية وظل ئليها على نار هادية شي خمس دقائق تقريباً هي الطريقة بتطلع الملوخية مفلفلة وبضيفلها مي غمرها وغطيها مع مراقبة المي حتى ماتنشف.. قبل ما اطفي عليها بضفلها عصير الليمون ودبس الرمان وخلين يغلو شوي مع بعض... وبتتقدم وبالعافية
  4. بحمص الشعيرية بالزيت وبس تاخد اللون الاشقر بضيف الرز وبحركن شوي مع بعض بضيف عليه الملح والفلفل والهيل واربع كاسات مي انا الرز يلي عندي بياخد كاستين مي لكل كاسة بس يغلي وتبين حبات الرز عالوجه بهدي عليه النار لحد الاستواء.. ونقدمو مع الملوخية وصحة وعافية
عجبتك الوصفة؟
شوف كل وصفاتنا في مكان واحد
كل الوصفات →