→ كل الوصفات

ملوخية مع رز بالشعيرية بمرق الدجاج😃❤

ملوخية او ملوكية بحبها يابسة وخضرا بس في ناس ينشوفها خالص وبيقولو انو اللزوجة مو منيحة بالعكسسسس اطيب شي فيها انو يظل فيها شوي مرقة وشوي لزوجة ومرقتها تكون مو فاتحة لانو تطلع مو طيبة الواحد يحس حالو ياكل ورق شجر 😂

  • ملوخية ميبسة مو خضرا حوالي نص كيلو او اقل حسب الرغبة
  • 1 كيلو دجاج
  • ملعقة كبيرة سمنة
  • مكعب مرق دجاج ماجي
  • ملعقة متوسطة كزبرة مطحونة
  • راس كامل ثوم مقشر ومهروس
  • لسلق الدجاج
  • 1 بصلة كبيرة
  • قرفة
  • هال
  • فلفل اسود حب
  • ورق غار
  • ليمون للملوخية
  1. نسلق الدجاج مع التوابل ونصفي المي ونطبخ فيه الرز بشعيرية يطلع يجنن
  2. نغسل الملوخية وننقعها نص ساعة ونصفيها من المي..نضع الطنجرة على النار مع السمنة ونشوح الملوخية ونحط الثوم والكزبرة ومكعبات الدجاج ومقدار كافي من الماء
  3. نتركها تطبخ حوالي ساعتين ونقوم بتفتيت الدجاج قطع متوسطة اطيب من الصغيرة ونخلطها مع الملوخية بأخر عشر دقائق..ونسكبها بصحن مع عصر الليمون عليها وتؤكل مع الرز بشعيرية والخبز
  4. صحتين وهنا
عجبتك الوصفة؟
شوف كل وصفاتنا في مكان واحد
كل الوصفات →