→ كل الوصفات
الملوخية السورية الناشفة مع شرحات اللحم عملناها بطريقة ماما نطبخها دائماً بموسمها استخدمنا ملوخية خضرا بعد تجفيفها بالبيت جربو طريقتنا المميزة وصفة لذيذة مغذية وسهلة التحضير 😍 👩🏻🍳 مروى سعيد
المقادير
- 1/2 كيلو ملوخية ورق خضرا مغسلة مسبقا قبل التجفيف
- 3 ملعقة طعام سمن بلدي
- 1 ملعقة طعام زيت نباتي
- 2 رأس ثوم شرائح
- 1 حزمة كزبرة خضرا طازجة او مجمدة
- 2 كوب مرق لحم او اكثر حسب الحاجة
- 500 غرام شرحات لحم
- ملح / فلفل أسود
- 1 ملعقة طعام كزبرة ناشفة
- 2 ليمونة عصير
- للتزيين
- لوز صنوبري
طريقة التحضير
- لتجهيز الملوخية اليابسة (الملوخية نظيفة مغسلة جيدا قبل التجفيف) نضع الملوخية بوعاء فيه ماء مدة ٢٠ دقيقة لتلين الأوراق. نعصرهم بشكل خفيف لنتخلص من الماء الزائد ثم نفردهم ع صينية لتنشف قليلا
- في هذة الأثناء نجهز مرقة اللحم اولا بتشويح شرحات اللحم مع البصل ، الباقة العطرية بقليل من الزيت ثم نضع ماء ساخن للسلق وحتى ينضج اللحم
- بطنجرة على نار متوسطة نضع قليل من زيت نباتي مع سمنة نضيف الملوخية ع دفعات مع التقليب حتى تأخذ نكهة السمنة ويتغير لونها وننقلها الى طبق
- بنفس الطنجرة نرجع نضيف قليل من السمنة مع شرائح الثوم وكزبرة خضرا نقلبهم ثم نضيف الملوخية ونخلطهم جيدا
- لطبخ الملوخية نضيف مرق اللحم اللي جهزناه بالتدريج اضافة مرق اللحم حسب الرغبة اذا بتحبوها ناشفة متلنا لا تكترو نتركها على نار متوسطة مدة ٢٠-٢٥ دقيقة
- بعد ماتغلي نضيف شرحات اللحم المسلوقة ملح وفلفل
- لاضافة نكهة وطعم أطيب للملوخية بمقلاية صغيرة نضيف قليل من السمنة مع شرائح الثوم ونقلبهم مع كزبرة خضرا وناشفة
- نضيفهم فوق الملوخيه ونخلط جيدا
- قبل مانسكر النار نضيف عصير الليمون ونتركهم مدة ٥ دقائق تقريبا
- جنب الملوخية قدمنا رز بسمتي أبيض
- الملوخية صارت جاهزة فوقها بنضيف لوز صنوبري مقلى وصحتين
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد