→ كل الوصفات

ملوخية ناشفة اسواني بطريقتي 😉

#شجع_مصر

  • ملوخية ناشفة
  • شوربة اي نوع تفضليه
  • طماطم مبشورة
  • مكب ماجي اي نوع تفضليه
  • ثوم مفروم
  • كزبرة ناشفة
  1. احط الشوربة على النارواحط فيها الطماطم المبشورة (التكة بتاعتي 😉) وثوم مفروم واسيبها تغلي
  2. بعدين ابدأ انزل فيها الملوخية الناشفة بعد ما غربلتها كويس واحدة واحدة وانا بقلب لحد ما اوصل لعقد الملوخية المظبوط
  3. لو حستيها تقلت منك زودي شوربة ، ولو حستيها خفيفة زودي ملوخية
  4. في مقلاية جهزي الطشة وهي : تحطي زبدة وثوم واقلبيه شوية وبعدين ضيفي الكزبرة الناشفة واديها تقليبة بس خلي بالك اوعي الكزبرة لونها يغمق اوي عشان متمررش معاكي
  5. تسمي(بسم الله) وتحطيها على الملوخية لا تصرخي بقي ولا تلطمي ولا تلمي عليكي الجيران ،،،
  6. بس كدة وقلبيها وبعدين لو لقيتي ملحها مش مظبوط حطي مكعب الماجي او ملح على حسب رغبتك وبألف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →