→ كل الوصفات
أول مرة بجرب أعملها بلحمة والنتيجة خووووررافية 😋🤭 ما توقعت طعمها يكون طيب لهالدرجة👌👌 كتييرررر حبيتها وبهدي وصفتي المميزة لعزيزاتي الغاليات على قلبي ولكل متابعيني ومحبيني ويلي بهتمو كتيررر بوصفاتي وبتعجبهم🤗🤭😊🥰😍❤
المقادير
- 1/2 كيلو مكعبات لحمة
- حبة بصل مفرومة
- 4 معالق زيت نباتي
- 3 ورقات غار
- رشة ملح
- رشة فلفل أسود
- عود قرفة
- 4 حبات هيل
- ماء حسب حجم الطنجرة
- كوبين ملوخية ناشفة
- 6 أكواب ماء 《من ضمنهن كمية متبقية من سلق اللحمة》
- مكعب ماجي الدجاج
- حبتين بندورة
- راس ثوم
- معلقتين زيت نباتي
- موجود بوصفاتي وهاي الرابط
طريقة التحضير
- نقشر البصلة ونفرمها فرم أقرب للناعم ،، ثم نقلبها بالزيت النباتي حتى تشقر وتذبل
- نضيف مكعبات اللحمة ونقلبها مع البصل حتى يتنشف ماءها ،، نضيف ورق الغار والماء حسب حجم الطنجرة ونتركها على نار عالية حتى الغليان ثم نهبط للنار ونتركها حتى النضج والإستواء 《لو ضل ماء من سلق اللحمة بعد ما إستووت ما في أي مشكلة بنضيف فوقه ماء عادي ،، أنا هيك عملت 》
- عند إكتمال إستواء مكعبات اللحم بنشيل ورق الغار وحبات الهيل وعود القرفة
- لتحضير الطشة : نقشر البندورة ونقطعها ،، ونقشر الثوم ونقطعه دوائر ثم نقلب الثوم بالزيت النباتي إلى أن يذبل نضيف البندورة المقطعة ونقلبها مع الثوم دقيقتين ونتركها لحين إستخدامها 《هاي الطشة إتعلمتها من زوجي 🤭😊 هو بحبها هيك وصرت أعمله إياها بإستمرار🤗🥰》
- نضيف مكعب ماجي ثم الملوخية ونتركها على نار عالية 10 دقائق
- نضيف الطشة ونهبط للنار إلى أن تنضج الملوخية وتتسبك تقريبا ربع ساعة
- نسكب الملوخية بأطباق التقديم وتقدم ساخنة بجانب الأرز بشعيرية
- 《بالنسبة للونها الأخضر بعتمد على طريقة التنشيف ،، أنا ما بعرضها للشمس أبدا》
- 《أنا بعملها بإستمرار بالدجاج ونزلتها قبل هالمرة🤭😊》
- وصحتييييين وعاااااافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد