→ كل الوصفات

ملوخية ناشفة ورز على الطريقة الحلبية⁦ ☺️⁩

#وصفات_دجاج

  • كيس ملوخية يابسة 200g
  • حبة دجاج كاملة
  • ورق غار وحب هال
  • ملح وفلفل اسود حسب الرغبة
  • ملعقتين كبار سمنة
  • ملعقتين كبار كزبرة يابسة
  • 3 رووس توم
  1. نضفت الملوخية من الشوائب والعود ونعمتا شوي على المصفاية طبعا مابغسلها ابدا
  2. غسلت الدجاجة منيح وسلقتا مع ورق غار وحب هال
  3. بطنجرة حطيت السمنة والملوخية ضليت عم حمصا ربع ساعة على نار هادية بدون تحميص ابدا مو طيبة وبصرلها شطة
  4. بعد التحميص ضفتلا مية الدجاج بعد مانسلق المي حسب الرغبة بس ملازم تكون كتيرة حركت شوي وتركتا ع نار هادية عشر دقايق
  5. قشرت راسين توم او اكتر هرستو وحمصتو بسمنة بطواية صغيرة مع الكزبرة الناشفة بس تحمصو حطيتن فوق الملوخية رشيتلا ملح وفتت الدجاج لقطع كبيرة وحطيتن مع الملوخية تركتا عشر دقايق وطفيت صارت جاهزة
  6. بتتقدم مع رز هي الطريقة انجح طريقة سهلة وسورية مية بالمية جربوا وادعولي
عجبتك الوصفة؟
شوف كل وصفاتنا في مكان واحد
كل الوصفات →