→ كل الوصفات
على طريقة ماما مين ما علمته اياها انبسط على طعمها الشهي جداً .. ما بتمط وفش حاجة لا نستخدم تلج ولا نحط بندورة عشان المطة شوفو الطريقة
المقادير
- دجاج مقطع ومغسول ومصفى
- ملوخية مغسولة ومنضفة ومصفية من الماء
- 10 سنون ثوم كبار
- ملح
- ورشة خفيفة من فلفل اسود وكركم
- ورقتين غار
طريقة التحضير
- بطنجرة بنحط زيت نباتي وبنزل عليهم الدجاج بعد ما يصير لونهم اشقر
- بحط البهارات والملح وبنزل كاسة شاي ماء وبترك الدجاج على نار خفيفة حتى تنزل ماء الدجاج ويدبل ويتجانس مع نكهة الثوم
- بضيف عليه ماء مغلي وبزبط الملح بتركه يغلي نص ساعة حتى يستوي الدجاج
- بعد ما يستوي الدجاج قبل لا اشيله بكون هرست جزء من الثوم اللي عملناها وبحطها على المرقة والدجاج بحرك شوي وبشيل الدجاجا من المرقة مباشرة
- بضيف الملوخية وبشوف اذا محتاجة ماء زيادة وملح وبتركها تغلي غلوتين ٣ غلوات وبطفي وهيك بضمن انها ما رح تمط
- وبتتقدم مع رز مفلفل والدجاج على جنب والف صحة وهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد