→ كل الوصفات
طبخة يوم الجمعة
المقادير
- دجاجة مقطعة ومغسولة منيح
- ½ كيلو لبن
- صحن رز ناشف كبير
- كمشة شعيرية
- كاسة ملوخية ناشفة
- ثوم (خمس اسنان)
- بصلة مقطعة ناعم
- مرق دجاج
- زيت زيتون
- ورق غار مع حب هيل
- ملعقه صغيره بهار دجاج
طريقة التحضير
- في وعاء عميق نفرم بصلة وسن ثوم ورشة زيت زيتون وبنحط معهن قطع الدجاج وبنقلبهم شوي عالنار
- بعدها بنضيف مي دافية غمرة الجاجة وزيادة وبنملحهم وبنحط ملعقة كبيرة مراق دجاج وورق غار وحب هيل وبنملحهن وبنغطي عليهن حتى يستوو
- بعد ما يستوو.. بنشيل اللحمة من المرقة... وبطنجرة عميقة بنحمص الشعيرية بزيت زيتون حتى تصير شقرة وبنضيف عليها الرز الناشف بنحمصهم مع بعض كم دقيقة لحتى ما يخبص الرز ويكون منثور عالطبخ.. بعدها بنحط عليهن مرقة الدجاج.. كل صحن رز الو من صحنين مرقة لثلاث واذا احتاج كمان بتضيفو شوي بس يغلي الرز بنوطي تحتو حتى يستوي بنطفي تحتو وبنحطو بمكان دافي وبظغطيه لحتى يضل سخن ويطلع منثور
- بنيجي لللبن.. بلخلاط بنحط نص كيلو لبن وبنضيف عليهم مرقة دجاج وشوية مراق دجاج وسن ثوم وبنخلطهم حتى يصير قوامهم مناسب..انتبهو ما تكثرو مرقة ولا تنقصو لحتى ما يفقس اللبن.. وبنحطهم عالنار لحد اول غلوة مع التحريك المستمر وبنطفي تحتهم
- الملوخية.. كاسة ملوخية منشفة بنحطها بطنجرة زغيرة ازغر حجم عليها كاستين مرقة... وبقلاي صغيرة بنفرم ثلاث اسنان ثوم ونتفة زيت بنقلي الثومة بتطلع ريحتها كثير طيبة وبس ثواني وبنضيفهم علملوخية وبنغليهم بس غلوتين وبنطفي تحتهم
- ولتحمير الدجاجة بنحط الجاجة المستوية بصينية الفرن وبنرش عليهم زيت زيتون ورشة بهار دجاج الاحمر وبنحمرهم وصحتين والف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد