→ كل الوصفات
تحملوني رح احكي واشرح كتيرر 😂😂😂 من اطيب الاكلات واسهلها بالنسبة الى البعض بيعتبرها اصعب اكلة والبعض بيرفض يطبخها لانها دقيقة جداً و تحتاج الى وقت كما ان البعض بيخاف يحضرها لانها بتخيّط و بتصير لزجة،،وفي اكتر من طريقة اكيد كل شخص بيحضرها بطريقة مختلفة و كل الطرق صحيحة و ناجحة .. بس انا رح اعطيكن السر لتحضير الملوخية بنص ساعة كحد اقصى.و بتطلع ملوخية رائعة ولا اطيب كمان 😍😍
المقادير
- 0.5 كيلو ملوخية يابسة
- 2 باقة كزبرة خضراء
- 2 راس ثوم كاملين
- 4 او5 اكواز بصل صغير (او بصلة مشوية مهروسة نضيفها لاحقا)
- ملعقة كبيرة كزبرة يابسة مطحونة
- ملح (كمية جيدة)
- عصير 3 حبات ليمون حامض
- فلفل احمر حر (حسب الرغبة)
- كيلو دجاج مسلوق
- مطيبات لسلق الدجاج
- 2 كوب رز مصري مغسول مع 4كوب ماء
- ملعقتين ملح
- نصف كوب شعيرية
طريقة التحضير
- اولا ننظف الملوخية وننقيها من الاوراق الصفراء ثم نضعها في قدر كبير على النار و نغليها لمدة 10 دقائق
- بعد مرور 10 دقائق نلاحظ وجود لون غامق جداً"،،نحرك قليلا" ثم نطفى النار
- نضعها في مصفاة كبيرة لنتخلص من اللون الغامق
- نأخذ من الملوخية كمية بحجم اليدين و نضغط عليها جيداً لنتخلص من الماء الموجود،،نكرر هذه العملية عدة مرات ثم نغسل الملوخية من جديد و نعصّرها ونضعها في المصفاة.بعد هذه المرحلة يمكنكم وضع الملوخية في اكياس والاحتفاظ بها في الفريزر و استخدامها في وقت لاحق
- في قدر على النار نضع كمية من الزيت او السمن حسب الرغبة و نضع الثوم المهروس و اكواز البصل والكزبرة الخضراء نقلبهم قليلا ثم نضع الكزبرة اليابسة المطحونة ،ثم نبدأ بوضع اوراق الملوخية و نقلب ثم نضيف كمية اخرى لتنتهي كل الكمية و نقلب جيداً و نغطي القدر ونتركها قليلا لتنضج الاوراق و تصبح طرية.بعد ذلك عندما نتاكد من نضوج الاوراق نعصر ليمونة حامضة و نضيفها الى الاوراق ونقلب هذه الخطوة مهمة جداً لنتخلص من لزوجة الملوخية
- نسلق الدجاج مع المطيبات و نضع مرق الدجاج فوق اوراق الملوخية لتغلي قليلا
- نضيف الدجاج المسلوق و نحرك قليلا" و نتركها لتنضج.ثم نضيف الملح والحر والليمون الحامض وكل المطيبات التي نرغب بإضافتها
- لا تحتاج الكثير من الوقت لتنضج ،،المهمة الصعبة هي تنظيف الملوخية و غسلها.اذا غسلناها و وضعناها في الفريزر ،نستطيع ان نطبخها في نصف ساعة كحد اقصى
- نقدم الملوخية مع الارز.كما يمكننا تحضير صلصة حارة الى جانبها و هي عبارة عن 4 حصوص ثوم و عصير 3ليمونات حامضة مع ملعقة ملح و ملعقة كبيرة فلفل احمر وفنجان صغير من الماء ،نضع كمية قليلة عند التقديم
- اذا لاحظنا ان الملوخية لزجة نقطع حبة بندورة قسمين و نضعها في القدر مع الملوخية لتسحب لزوجتها
- كتير حكيت 😂😂 بتمنى ما تكونوا زهقتوا و مليتوا مني.اتمنى ان تنال اعجابكم ❤❤❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد