→ كل الوصفات

ملوخية وورق عنب وممبار وفراخ

ملوخية وورق عنب وممبار وفراخ 😍

  • كيلو ورق عنب مسلوق وجاهز للحشو
  • 0.5 كيلو ارز مصري
  • كوبين ونص شوربة "مرقة"
  • 0.5 كيلو طماطم
  • بصلة كبيرة مفرومة ناعم
  • 3 ربطات خضرة مشكلة
  • ملعقة صغيرة ملح
  • 0.25 ملعقة فلفل اسود
  • 0.25 ملعقة كمون
  • ليمونة
  • 0.5 كيلو ممبار
  • كيلو الا ربع ارز مصري
  • 0.5 كيلو طماطم
  • بصلة متوسطة
  • ربطتين خضرة مشكلة
  • ملعقة صغيرة ملح
  • 0.25 ملعقة فلفل اسود
  • 0.25 ملعقة كمون
  • 0.5 كيلو ملوخية
  • كوب ونصف شوربة
  • 4 فصوص من الثوم المفروم
  • 0.25 ملعقة كزبرة مطحونة
  • 3 ملاعق سمن
  • فرختين حسب المتوفر
  • ماء للسلق
  • ورقتين لورا
  • ملعقة ملح كبيرة
  • رشة بهارات خفيفة
  • رشة فلفل خفيفة
  • بصلة صغيرة
  • بندورة صغيرة
  1. عشان نعمل ورق العنب: يكون متنضف ومسلوق مسبقا وعشان نعمل الخلطة للحشو هنحط حلة على النار ونحط شوية زيت يادوب يقدحو ننزل بالبصلة المفرومة واول ما البصلة تتحمر ننزل بالطماطم المخلوطة كويس وننزل بالفلفل والملح ونسيبهم يتسبكو واول ما تتسبك ننزل بالكمون
  2. بعد ما الصلصة اتسبكت كويس نطفي النار و ننزل بالخضرة اللي قطعناها صغير جداً ونقلب وبعد كدا ننزل بالرز اللي غسلناه وصفيناه وبكدا الخلطة تبقي جاهزة معانا لحشو ورق العنب
  3. هنجيب ورقة العنب ونفردها على ايدينا ونحط شوية رز ونجيب الاطراف على بعضها ونبتدي نلفها زي ما بتلفيها عادي والخلة اللي هنحشي فيها نحط في القعر كام ورقة كدا عشان ميلزقش
  4. وعشان التسوية نحط الحلة على النار ونحط كمية الشوربة الكوبيتين ونص ونوزعهم في جميع اتجاهات الحلة ونسيبه يستوي على نار متوسطة واول ما يتشرب نخفف النار خالص لغاية ما يستوي تماما وبعد ما يستوي ونطفي عليه نجيب اليمونة ونقطعها شرائح ونوزعها على وجه الحلة ونغطيها تاني
  5. عشان نعمل الممبار: نجيبه تحت المياه ونقبلبه ونغسله كويس جدا بالماء والملح ونقعطه حسب الرغبة ونسيبه شوية منقوع في شوية ماء وشوية خلوعشان نعمل الخلطة اللي هنحشي بيها الممبار هي نفس الخلطة اللي هنحشي بيها ورق العنب هنمشي بنفس الخطوات بالظبط وبعد ما نحشي الممبار منملهوش رز اوي لان الرز هيستوي وينفش
  6. نجيب حلة ونملاها مياه الا ربعها ونحطها على النار تغلي ومعاها بصلة صغيرة ورشة فلفل ومنحطش ملح عشان ميفرقعش وبعد ما يسلق نصفيه كويس
  7. في زيت غزير نسيبه يقدح وننزل بالممبار ونحمره
  8. عشان نعمل الملوخية: نقرطف الملوخية😂 ونغسلها ونصفيها كويس وبعد كدا نخرطها كويس جداوعلي النار نحط حلة ونحط كمية الشوربة تسخن ونحط الملوخية ومكعب مرق وفص ثوم ني ونقلب كويس جداً ونقفل قبل ما تغلي ونجيب طبق ونحط فيه كمية السمنة ونسبها تسخن وننزل بالثوم وبعد كدا الكزبرة واول ما يبقى لونها ذهبي نطشها
  9. وعشان نعمل الفراخ ،، هنجيب كمية الفراخ اللي متوفرة عندنا ننضفها كويس جداً ونغسلها بميه وملح ونحون حاطين حلة على النار فيها ماء ورقتين لورا والمكونات المذكورة في الفراخ فوق ونسبها تغلي وننزل بالفراخ واول ما تستوي وتخلص نصفيها كويس ونحمرها في الزيت ونطلعها على مناديل مطبخ تصفي
  10. وبالهنا والشفا ❤💗
عجبتك الوصفة؟
شوف كل وصفاتنا في مكان واحد
كل الوصفات →