→ كل الوصفات

ملوخية يابسة مع دجاج 🇱🇧

#JiJi

  • كيلو ملوخية يابسة
  • باقة كزبرة صغيرة
  • 7 فصوص ثوم
  • زيت زيتون
  • 4 صدر دجاج
  • 4 حبات ورق غار
  • 4 حبات حب هيل
  • بصلة
  • عود قرفة
  • ملعقة صغيرة قرفة ناعمة
  • ملعقة صغيرة كاري
  • 2 حبات قرنفل
  • ملح
  1. اول شي ، بتنضفي الملوخية من العيدان ب آخر الورقة ، و بتنقعيها ب الماء شي 20 دقيقة
  2. بتحطي الدجاج بالطنجرة مع الماء من دون المطيّبات ، و بس يبدا يعمل رغوة بيصا بتشيلي بالمعلقة الرغوة يلي هيي الزنخة
  3. بتكبي الماء الدجاج ، و بتحطي ماء جديدة مع المطيبات كلهم و البصلة والملح يلي فارمتيها ل اربع قطع ، و بتنتظري ٤٥ دقيقة ل يستوو
  4. بس يستوو الدجاج، بتحطيهم على جنب هني و الماء
  5. بتفرمي الكزبرة و بتدقيهم مع الثوم ب شكل ناعم كتير مع الملح ، و بتقليهم مع الزيت ل حتى يدبلو
  6. بتكوني عصرتي الملوخية من الماء ، منيح ، و بتحطي الملوخية فوق الكزبرة والثوم و بتقليهم مع بعض شوي ، و فوقهم الدجاج بتحركيهم منيح
  7. اخر شي، بتصفي ماء الدجاج و بتحطي منهم فوق الملوخية مقدار كبايتين ماء و بتوطّي النار تحتهم و اتركيهم على رياحتهم ل تنشف الماء و تستوي الملوخية
  8. بتقدميها مع الرز ب شعيرية
  9. و الف صحة و هنا و يعطيكي العافية من مطبخ JiJi
عجبتك الوصفة؟
شوف كل وصفاتنا في مكان واحد
كل الوصفات →