→ كل الوصفات
طريقة عمل ملوخية يابسه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ملوخيه يابسه مقدار طبخه
- وقية لحمه خشنه
- ملعقتين طعام فليفله حمرا مطحونه خشنه
- 0.5 راس توم مهروس
- 0.5 راس توم مقطع
- ملعقتين كزبرة مطحونه
- ملح حسب الذوق
- مكعب ماجي
- زيت اونا
طريقة التحضير
- مننقع الملوخيه شوي وبعدين منغسلا كتير كتير لحتى تصير المي نضيفه
- بعدين منصفيا ومنفردا بالهوى لتنشف شوي
- منحط شوي بالطنجرا ومنشفا كل شوي بشوي منشفا
- بعدين منحط شوية زيت اونا ومنحط ملوخيه بالطنجرة كل شوي ومنضل منقلبا وهيك منضل نكرر لتخلص الكميه ومنحاول نقليا منيح لحتى تدبل الورقه
- بعدين منحمص اللحمه الخشنة والتوم المقطع ليستوي منضيف الكزبرة ومنقلب ومنحطن فوق الملوخيه
- ومنضفلا ماجي ومي لتنغمر
- بعدين منتركا تغلي لتستوي وكل شوي منقلبا
- قبل ماتستوي بشوي منضفلا التوم المهروس والفليفله
- ومنتركا تغلي لتستوي
- منقدما ومنقدم معا الليمون والفليفله الخضرا ومنطبخ جنبا رز
- وصحتين وهنا
- اول مرة بطبخا والحمدلله نجحت معي
- بتمنى تعجبكن
- في ناس بتحبا بمرقة اكتر وناس بتحبا ناشفة..انا بحسا اطيب ناشفه شوي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد