→ كل الوصفات
طريقة عمل ملوخية سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس ملوخية الفواحة 100غ
- بصلة متوسطة مرحية
- حبة طماطم مسكرفجة
- 4 فصوص ثوم مسكرفج
- قطعة دجاج او لحم
- كاس زيت
- ملعقة صغيرة فلفل عكري
- ملعقة صغيرة راس الحانوت
- قصبر مرحي
- ملح وفلفل اسود حسب الرغبة
- ورقة رند
- حوالي لتر ونصف ماء سخون
- ملعقة كبيرة طماطم مصبرة
- قرن فلفل حار
طريقة التحضير
- نقلي في شوي زيت طرف دجاج ونحمرو مليح ثم نضيف الطماطم حب والبصل والثوم والتوابل والملح وطماطم مصبرة ورند ونخليها تتجمر مليح
- من جهة اخرى نحط الملوخية فى مقلاة ونزيد كمية الزيت حتى تولي سائلة ثم نحمصها شوي مع التحريك المستمر ثم نضيفها للبرمة الاولي ونقليها معاهم مليح. نضيف الماء سخون وقرن فلفل حار. كي تبدا تغلي نقص النار خلاص ونخليها تطيب على نار هادئة مع التحريك مرة على مرة حتى تخثار وتطلق الزيت تاعها. تتكل مع مطلوع سخون
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد