→ كل الوصفات

ملوخية

#حراير_الجزائر #أكلات_جزائرية #وصفات_تقليدية الملوخية اكلة لذيذة يعملوها في المشرق العربي وتونس والشرق الجزائري فقط لكن تختلف طريقة طهيها بينا وبين المشرق هما يعملوا الملوخية الطازجة او البودر لكن تكون جارية مثل الشوربة ونحنا تكون قوامها سميك هذي طريقة ماما تجي بنينة وانا نعملها ناقصة زيت تجي خفيفة وما تثقلش

  • 200 غ ملوخية
  • مقدار كوب الا ربع زيت
  • قطع لحم او دجاج
  • عود صغير قرفة
  • بصلة
  • ملح وفلفل اسود وزنجبيل وقصبر وكركم وفلفل احمر حار وحلو
  • ملعقتين كبار طماطم مصبرة
  • عصير ليمون
  1. هذي الطريقة تتطلب الوقت الملوخية طيب على ألهداوة نبدا لها بكري ونخليها أقل شي 6ساعات فما اكثر وهي تطيب تجي بنينة وتطلق نكهتها اولا نحط قدر ماء يغلي
  2. ثانيا نحط الزيت يسخن في قدر يكون قاعه ثقيل ولما يسخن الزيت نرمي الملوخية ونحركها بسرعة ذرك تشرب الزيت بسرعة اسقيها بالماء يكون يغلي صبي شوي وحركي حتى تتحل الملوخية تماما ابقي ضيفي الماء وحركي بالشوي واذا بقت لك شوي ما تحلتش اخفقيها بالباتور تتحل ومع الطياب تتحل المهم تغمريها بالماء وترمي عود القرفة وهي تغلي نقصي لها النار وخليها تغلي ومرة على مرة حركيها باه ما تلصقش
  3. نرحي البصل ونخلطه مع الطماطم والبهارات والملح ونمرغد فيهم اللحم وبعد مرور ساعتين نرمي اللحم ونخله يطيب ويطلق في الملوخية و ونبقى كل مرة نحركها ونشوفها حتى تبدا تخرج زيتها الفوق اذا عملتو كمية زيت بزاف انا ما نكثرش الزيت ما يخرجش بزاف تعرفها طابت كي تثقال في القدر
  4. وبعدمما تثقال نعصر لها القارص نص حبة ونقدمها ولي يحب الحار يحط معاها وبالف هناء
  5. ملاحظة اذا زبركم الحال وما قثقالتش زيدي لها النار وابقي حركي بالشوي وخليها تثقال
عجبتك الوصفة؟
شوف كل وصفاتنا في مكان واحد
كل الوصفات →