→ كل الوصفات

ملوخية

مجمدة و هنخليها طعم و لون وريحة الخضراء بالضبط؛) "الريم أو الرغوة اللي بتتكون على الوش ممكن نشيلها لو مش بنحب شكلها أو نسيب الملوخية تهدى ٥ دقائق مع نفسها والريم ده هيروح لوحده وعلى جميع الأحوال هي لا تترك أي طعم غير مرغوب فيه:)"

  • 4 كوبايات شوربة وسط (ممكن مياه)
  • مكعب مرق(اختياري)
  • 10 فصوص ثوم مفروم (ممكن أكثر)
  • 1 فلفل حامي (او بارد) مفروم
  • 2 ملاعق كبيرة كزبرة ناشفة
  • 1 كيس ملوخية مجمدة
  • ملح حسب الرغبة
  1. علي النار نحط كوبين من الشوربة أو المياه(نعمل حساب أن الملوخية مجمدة هتنزل مياه زيادة) ونحط مكعب المرق ومعلقة صغيرة ثوم مفروم ومعلقة صغيرة كزبرة والفلفل المفروم ونسيبها تغلي
  2. اول ما تغلي الشوربة ننزل الملوخية ونوطي النار ونفضل نقلب عشان نتخلص من اي كتل لو حسيتي انك محتاجة ملوخية اخف من كده ضيفي بالتدريج كوبين الشوربة أو المياه الباقيين كوب تلو الآخر واول ما تبدأ تغلي نقفل عليها
  3. في طاسة هحط أي مادة دهنية و عليها باقي الثوم و باقي الكزبرة و نقلب لحد م الثوم ياخد لون ذهبي وانزل علي الملوخية و بألف هنا:)
عجبتك الوصفة؟
شوف كل وصفاتنا في مكان واحد
كل الوصفات →