→ كل الوصفات

ملوخية

اكلة الملوك

  • 300 غ ملوخية ورق ناشفة
  • 1 ك لحم قطع أو دجاج
  • ملعقتين سمن
  • 0.5 كوب زيت
  • منكهات لسلق اللحم
  • بهار فلفل فليفلة حمرا ناعمة
  • 15 أو اكتر حب ثوم مهروس
  • ملعقة صغيرة كزبرة حب
  • ملعقتين كزبرة خضرا مفرومة
  • حبة بندورة مفرومة
  • عصير ليمونة أو قليل من ملح الليمون
  • ملح حسب الرغبة
  • شرائح بصل وفلفلة خضرا وبندورة وليمون للزينة
  1. منفقد الملوخية اذا فيها أعواد أو أي شي
  2. مننقع الملوخية بماء بارد لمدة ساعة تقريبا
  3. خلال هالفترة مننقع اللحم بماء وخل ومنسلقه مع المنكهات السلق وملح ليستوي
  4. منصفي الملوخية من ماء النقع ومنغسلها مرتين أو اكتر
  5. منهرس التوم مع الكزبرة اليابسة وقليل من الملح
  6. كتير ناس بتستعمل التوم المقطع لكن التوم المهروس اطيب ومنافعه اكتر
  7. منحط بالطنجرة ملعقتين سمنة وكمية الزيت وثلث كمية التوم والكزبرة الخضرا ومنقلبها ع النار ليتغير لون الثوم
  8. منضيف الملوخية ع دفعات ومنقليها بالزيت والتوم ومنضيف عصير نص ليمونة أو قليل من ملح الليمون وع نار وسط منبقى نقلبها لمدة ربع ساعة
  9. بعدها منضيف ماء سلق اللحم ومنترك الملوخية تستوي ع مهلها ومنرجع نضيف نص كمية التوم المهروس ومنركز ملح الطبخ
  10. لمن بتستوي منرجع منقليها ببقية التوم المهروس منضيف رشة فليفلة حمرا ناعمة
  11. في ناس بتحب بالمرحلة ضيف لها كزبرة خضرا وحبتين بندورة مفرومة ناعمة وبتطفي الغاز تحت الملوخية يعني آخر مرحلة قبل السكب
  12. منطبخ كوبين أرز مع الشعيرية
  13. منسكب الملوخية ومنزينها بالليمون والبندورة المفرومة وحلقات البصل
  14. وصحة وعافية
  15. نضع معها ليمون أو عصير رمان
  16. إضافة الحامض عند تقليب الملوخية بالزيت بيمنعها تشط المرقة أو تصير لزجة
  17. كنت اطبخها خضرا بدون تجفيف طعمها جدا رائع وخاصة لأن اقطفها من الأرض مباشرة
  18. يارب تحفظ نعمك علينا
عجبتك الوصفة؟
شوف كل وصفاتنا في مكان واحد
كل الوصفات →