→ كل الوصفات
#وصفات_دجاج
المقادير
- فروج منظف ومغسل بطحين وبهار وملح ومغسول
- كيلو ملوخية خضراء او 200 غرام ملوخية يابسة
- كوب كزبرة خضراء مفرومة
- بصلة مشوية ومهروسة
- كوب ثوم منهرسه ومنحتفظ بشوي بدون هرس
- ملعقتين طعام كزبرة يابسة
- ملعقة صغيرة بهار حلو
- ملعقة صغيرة قرفة
- 0.25 كوب زيت او سمنه
- ملح
طريقة التحضير
- تحضير الملوخية اذا كانت يابسة منحطها بماء دافية ما مغلية و منتركها شي ساعة منرجع منغسلها منيح و منعصرها
- اذا ملوخية خضراء منغسلها و منفردها بالهواء لا تنشف من الماء
- اول شي منقلي فروج المنظف بشوية زيت منرجع من ضيف الماء لا ينسلق و يستوي مع اضافة المطيبات
- منحط اي مادة دهنية منقلي التوم و الكزبرة الخضراء
- منضيف الملوخية منضيفها بالتدريج كل ما ذبلت منضيف الباقي منقليها منيح على نار خفيفة لازم تتقلى منيح منحط ملح و بهار و قرفة الكزبرة الناشفة اخر شي
- يلي بحب فيها طعم حد يحط الكزبرة الناشفة بالاول مع الثوم و الكزبراء الخضراء لان الكزبرة اليابسة نحن عم نقلي الملوخية بتحترق هذا بخليها حدة
- منضيف مرقة الفروج المسلوقة و منزيد ثوم حبوب بس تغلي من ريحتها منعرف اذا ناقصها شي منذوق و منركز الطعم و منتركها لا تستوي على نار خفيفة اخر غلوة منضيف شوية عصير حامض
- يلي بحب الحر فينا نضيف حر اخر شي منضيف قطع الدجاج و منترك قسم للوجه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد