→ كل الوصفات

ملوخية

بطبخ الملوخية الورق اليابسة لذيذة مع سر زغير لحتى ماتخيط أبدا"😉😉 بنصح الكل يجربوها ومابينشبع منها ❤الملوكية❤

  • ملوخية ورق يابس بحسب الكمية يلي بتحبيها
  • كوبين رز بسمتي
  • 2 صدر دجاج بدون عظم مقطع مكعبات
  • سمنة وزيت نباتي
  • 10 فص ثوم مهروس
  • 0.5 حزمة كزبرة خضرا مفرومة
  • رشة ملح
  • رشة فلفل اسود
  • رشة كزبرة ناشفة
  • رشة ملح الليمون
  • ماء
  • ملح
  • فلفل اسود
  • قرفة
  • ورق غار
  • باقة عطرية
  • قشرة حامض
  • 3 مكعبات مرق الدجاج
  • لسلق الدجاج
  • 1 بصلة مقطعة
  • خبز مقطع للقلي
  1. اولا نضع الملوخية بطنجرة على النار مع رشة ملح الليمون وبنتركها لتغلي شي دقيقتين وهالشي بيخفف من تخييط الملوخية كثير وبعدين بحطها بمصفاية وبفتح عليها المية الباردة وببدا اغسلها وافركها منيح بأيدي لحتى نتخلص من تخيطها وبعدين بعصرها وبحطها على جنب
  2. بسلق الدجاج مع البهارات والباقة العطرية ومكعبات الماجي والبصل وقشرة الحامض لحتى تستوي وبشيلها على جنب وبصفي المرق
  3. بمقلاة واسعة بحط ملعقة سمنة وملعقة زيت وشوية ثوم مهروس وبحط قسم من الملوخية وبرش عليها فلفل اسود وكزبرة ناشفة وملح الليمون وبقليها منيح ليتغير لونها وبحطها بمرق سلق الدجاج وهاي المرحلة مهمة كثير لحتى ماتخيط الملوخية بالمرقة
  4. وبرجع بعيد الطريقة لتخلص كمية الملوخية كلها وبحطها بمرق الدجاج
  5. كمان باخذ سمنة وزيت وثوم وبحط الدجاج مع رشة فلفل وقرفة وكزبرة وبقلبهن منيح ليشقرو
  6. وبحط الدجاج فوق الملوخية كمان وبخليها يغلو مع بعض منيح
  7. اخر شي بحط سمنة وباقي الثوم وكزبرة خضرا وبقليهن منيح وبطشن فوق الملوخية وبطفي عليها (ملاحظة انا ماعندي كان كزبرة فعملت طشة ثوم بس) 😊
  8. بقلي خبز
  9. وبساوي رز ابيض بدون شعيرية وبقدمو مع الملوخية والخبز وصحة وهنا
  10. ملاحظة: فيكن تعدلو الحامض بعصرة فوق الملوخية بس نسكبها وصحة وهنا جربوها بهاي الطريقة ورح تدمنوها ونتيجة مضمونة وما بتخيط أبدا
عجبتك الوصفة؟
شوف كل وصفاتنا في مكان واحد
كل الوصفات →