→ كل الوصفات
#احنا_المصرين
المقادير
- 0.5 كيلو ملوخية خضره
- 6 فصوص ثوم مهروس
- مرقه
- كزبرة ناشفه
- رشه سكر
طريقة التحضير
- نجيب الملوخية ونقرطفها وبعدين نغسلها بالماء كويس علشان ننزل اي طين او تراب فيها وبعد كده نفرشها في مصفاه تتصفه وتنشف من الماء
- بعد مانتاكد ان الملوخية نشفت تخرطها بالمخرطه خرط ناعم كويس ونحطها على جنب ونحضر ليها المرق اي نوع مرق عندك انا عملتها على مرقه فراخ نجيب حله ونحط فيها كوبين مرق في الأول وتكون متبله ونشغل عليها النار اول ماتغلي ننزل بالمولوخيه ونقلب وبعد كده رشه السكر لو لقيتها محتاجه مرقه تاني حطلها بس شويه شويه لغايه ماتوصلي للقوام اللي تحبيه
- نعمل الطشه بتعتها بقه في طاسه على النار نحط ملعقه كبيره سمن ونجيب الثوم المهروس ونشوحه فيها مع فص مستكه واول مالونه يبقه ذهبي انزل بالكسبره الناشفه ونقلب وبعد كده احط عليها شويه من الملوخيه وبعد كده ارجعهم في الحله تاني مع التقليب وبالف هنا 😋
- انا عملت معها طبعاً رز بالشعيريه وفراخ محمره في السمن 😊
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد