→ كل الوصفات
طريقة عمل ملوخيـــة التونه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس ملوخيه مفرومه خشن
- حبة بطاطس صغيره
- 3 حبات طماطم طازجه
- حبة بصل ابيض
- 0.5 حبة فليفله خضرا
- 4 فصوص ثوم مهروسه
- فلفل اسود وكمون مجروشين مع بعض
- ملعقه صغيره كاري
- ملعقه صغيره كركم
- ملعقه صغيره معجون طماطم (اختياري)
- ملعقه صغيره مهران
- مكعب ماجي
- علبة تونه كبيره
- زيت ذره
طريقة التحضير
- نقطع البصل والفليفله مكعبات صغيره جدا ونحطهم بالقدر ع النار مع ملعقتين زيت نحمسهم شوي ونضيف لهم الفلفل والكمون وذرة ملح ونكمل الحمسه
- بس تذبل البصله والفليفله نقطع الطماطم والبطاطس مكعبات صغيره ونضيفهم ع البصل في القدر ونقلب لين تذبل الطماطم ونضيف الثوم ونقلب شويتين ونضيف عليهم البهارات والماجي ونقلب شويتين وبعدين نضيف كوب ونصف ماءمغلــي ونسكر القدر ونخليه ع نارهادئه لين تستوي البطاطس
- بعد ماتستوي البطاطس نضيف رشة ملح وعلبة التونه بدون الزيت تبعها ونقلب شوي بس تتجانس التونه مع الكشنه ننزل الملوخيه عليهم ونحرك لين تختلط مع بعض ونخليهم يطبخو مع بعض مدة 5دقائق ونقفل النار ونقدمها ساخنه مع الي تحبوه..ارزابيض..خبز.. كبسه..ساده..حسب رغبتكم وبالف عافيه جربوها راح تعجبكم
- ملاحــــــظه/تقدرون تستبدلون التونه بالدجاج اواللحم اوالسمك اوالروبيان كلهم حلوين وعوافي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد