→ كل الوصفات

ملوخيه الدجاج الخضراء

#تحدي_الدجاج

  • دجاجتين مقطع 8 قطع مغسول
  • 3 بصل مفروم
  • 2 فص ثوم مفروم
  • 2 بندوره مفرومه في الماكينه ومعها معلقتين رب بندوره
  • فلفل اسود وملح حسب الرغبه
  • 2 كيلو ملوخيه خضراء ورق طازجه او مفرزه واذا بتحبوها ناشفه 3 كوب ناشفه ناعمه
  • 2 لتر ماء ساخن بحدود
  • لكل كوب ارز معلقتين شعيرية
  • رشه كركم
  • ملح حسب الرغبة
  • ماء ساخن
  1. اول شي نغسل الدجاج ونحطه بالمصفاية
  2. نسخن الطنجره نحمي ملعقة زيت بعدين البصل وبعد شوي الثوم وبعدين خليط البندورة والرب بندوره ونقلبهم مع بعض منيح
  3. بعدين نبلش نضيف قطع الدجاج ونقلهم منيح على نار عاليه لما الدجاج يوخذ اللون الحلو
  4. وبعدين نحط الماء الساخنه ونخليها تغلي لحد ما تطله زفره الدجاج نشيل الزفره ونحط فلفل اسود وبعد نحط الملوخيه ونغطيها ونخليها ساعة على نار هاديه ويالاخير الملح
  5. الرز اول شي نغسل الرز وننقعه بماء فاتره ثلث ساعة
  6. نحمي الزيت بالطنجره. وبعدين الشعيرية لما توخذ لون حلو وغامق
  7. نصفي الرز ونحط عليه الملح والكركم
  8. وبعدين نحط الماء المغليه على الشعيرية وبعد ما تغلي دقيقتن ننزل الرز وبس يغلي نخفف النار على نار هاديه نص ساعة
عجبتك الوصفة؟
شوف كل وصفاتنا في مكان واحد
كل الوصفات →