→ كل الوصفات
احلى ملوخية❤️
المقادير
- أرنب مغسول كويس ومتقطع
- بصله مقطعة اربع
- حبة طماطم مقطعة اربع
- 3 فصوص ثوم
- فلفل اسود
- ملح
- بهارات مشكله
- مستكه
- هيل مطحون
- ملوخيه اي كان نوعها فريش او مجمده، انا استخدمت مجمده
- ثوم مفروم
- كزبره ناشفه
- كمون
- ملح
- رشة سكر صغيرة جداً
- حبة طماطم مبشورة
- فلفل شطه، ملعقة هريسه فلفل
طريقة التحضير
- في حلة على النار فيها ملعقة صغيرة سمنه بلدي نعطي للارنب صدمه مع البهارات والبصل والطماطم والثوم وبعدين ننزل عليه بماء ساخن
- اول ماتغلي نهدي النار ونغطي الحلة ونتركه يستوي
- نفرم الملوخيه في الكبه لأنها مفرزه ورق ونفرم الثوم مع هريسة الفلفل والفلفل الشطه الأخضر
- في حلة على النار فيها ملعقة صغيرة سمنه بلدي نضع ملعقة من مفروم الثوم السابق ونشوحه وبعدين ننزل بحبة الطماطم ثم الشوربه ونص مقدار الكمون والكزبره الناشفه
- هنضيف ربع ملعقة صغيرة بيكربونات الصودا علشان تفضل الملوخيه خضره وزي الفل وبعدين ننزل بالملوخبه ونحط عليها ملعقة تانيه من مفروم الثوم واول ماتغلي نطفي النار
- نعمل الطشه بقي😍 ننزل بباقي مفروم الثوم وهريسه الفلفل في ملعقة صغيرة سمنه بلدي وباقي الكون والكزبره الناشفه واول ما الثوم يصفر نسمي الله وننزل بالطشه على الملوخيه😂
- نحمر الأرنب في سمنه بلدي ومعاه رز ابيض وسلطه والملوخيه الخطيييرة بتاعتنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد