→ كل الوصفات
طريقة عمل ملوخيه بالدجاج والحمض سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس ملوخيه يابسة مغسولة بمي ومصفاية حسب احتياج الاسرة
- 2 فروج حجم وسط مغسل ومسلوق بلمطيبات
- راسين ثوم مهروس ناعم
- ملعقة كبيرة ملح ليمون
- 6 ليمونات معصورين
- ملح
- ملعقة كبيرة كزبرا يابسة
- ملعقة كبيرة فليفلة مطحونة
- كمية من السمنة لتحميص الملوخيه
- 2 كوب ارز مغسول ومنقوع بمي سخنة مع ملعقة صغيرة ملح
- شعيرية ناعمة
- ملح
- ملعقة كبيرة سمنة للرز
- ملعقة كبيرة زيت للرز
- ورق غار
- عود قرفة
- هيل حب
- قرنفل حب
- بصلة مقطعا ارباع لسلق الدجاج
- رأس ثوم لسلق الدجاج
- 4 كوب مي سخنة للرز
طريقة التحضير
- اول شي بنقع الرز بمي سخنة مع ملح ساعة بعدين بصفي المي وبطنجرة بحط ملعقة كبيرة معرمة سمنة وملعقة زيت وبضيف الشعيرية وبقلبا لبيل ماتتحمر معنا بنزل المي السخنة والرز وبضيف ملح وبهدي النار لبيل مايستوا الرز
- بغسل الملوخيه اليابسة بلمي وبخليها عمصفاية لتصفا المي عن الملوخيه
- بغسل الدجاج وبطنجرة الظغط بضيف ورق الغار وعود قرفة وهيل وقرنفل وبصلة وثوم بضيف الدجاج ومي وبقفل الطنجرة وبخليها ساعة ليستوا الدجاج
- بمقلاية عميقة بضيف قدر ملعقة كبيرة معرمة من السمنة وبضيف شوي من الملوخيه مابكتر وبضلني بحرك الملوخيه بالسمنة لبيل ماتدبل معنا وتتحمص بشيل الملوخيه عطنجرة يلي بدي كمل طبخ الملوخيه فيها وهيك برد بكرر الخطوة كزا مرة لبيل ماخلص كل الملوخيه
- هلق بفتح طنجرة الضغط وبشوف الدجاج ازا استوا بشيلن وبفصفص الدجاج من الجلد والعظم وبضيفن عل الملوخيه
- بعصر الليمون وبهرس الثوم الراسين الثوم بنفس المقلي يلي قلينا فيه الملوخيه بضيف قليل من السمنة وبقلب الثوم وبضيف الكزبرا اليابسة والفليفلة الحمرا المطحونة وبقلب شوي بضيفن عل الملوخيه
- بضيف مرقة الدجاج عل الملوخيه وبضيف الملح وملح الليمون وبخلي الملوخيه عل النار نصف ساعة لا تستوا مع الحمض
- تسكب وتقدم جنب الرز بلشعيرية وصحتين وهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد