→ كل الوصفات

ملوخيه باللحمه ع طريقتى

طريقة عمل ملوخيه باللحمه ع طريقتى سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو لحمه ضانى
  • بصله مقطعه
  • ثوم مفروم
  • حزمه ملوخيه خضرا
  • 4 حبه طماطم مقسمه
  • ملح
  • كزبره ناشفه
  • فلفل اسود
  • 0.25 كوبايه زيت
  • ملعقه صلصه
  1. فى حله هنحط الزيت لحد مايسخن هنضيف البصل وهنقلب لحد ما يدبل
  2. بعد كدا هنضيف قطع اللحمه ونقلبها لحد ما اللحمه تبقى بنى كدا
  3. وبعدين نضيف معلقه الصلصة والطماطم المقسمه ونقلبها شويه
  4. بعد كدا هنضيف شويه ملح وفلفل اسود وكزبره ونقلب كويس
  5. بعد كدا هنحط الميه على اللحمه ونغطيها لحد ما تستوى بالكامل
  6. هنخرط الملوخيه ونخليها نعمه
  7. ولما تستوى اللحمه هنضيف الملوخيه عليها ونقلبها براحه لحد ما تتجانس مع المكونات
  8. هنسبها لمده دقائق ع النار حتى تغلى
  9. بعد كدا هنحط شويه زيت او سمنه فى مقلاه ونحطها ع النار لحد مايسخن ونضيف الثوم المفروم ونقلب لحد مايبقى لونه دهبى
  10. بعد كدا هنحط كميه من الكزبره الناشفه ع الثوم ونقلبهم شويه ونطفى عليها ونضيفها الى الملوخيه وهنسبها تغلى غلوه ونطفى عليها
  11. وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →