→ كل الوصفات
طريقة عمل ملوخيه خضرا👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو ملوخيه ملئطه وجاهزه
- جاجه كبيره
- راسين توم
- 3 معالق كزبره ناشفه
- سمنة الاصيل
طريقة التحضير
- منغسل الملوخيه ومنشفها كتير منيح لحتى ما يضل فيها اي رطوبه
- انا بفرمها بالفرامه اليدويه بفرمها كتير منيح لحتى تنعم وتصير متل السمسم
- بغسل الجاجه وبقطعها اربع قطع وبنقعها ربع ساعه بخل وملح
- في طنجرة الطبخ بقطع ثلاث اسنان توم ونص معلقه صغيره كزبره ناشفه بحوسهم شوي مع معلقة سمنه وبنزل قطع الجاج بعد ما اغسلهم من الخل والملح
- بقلب الجاج منيح وبخليه لحتى تنشف ميته تماما
- بشرب الجاج بمي سخنه وبستنا ليغلي وبشيل الزفره وبتركه ليستوي
- ما ننسى نملح حسب الرغبه
- بعد ما يستوي الجاج بشيلو وبصفي المرقه وبقدر كميه الملوخيه مع المرقه
- وبخلي الملوخيه تغلي غلوتين تلات مش اكتر لحتى تحافظ على خضارها وطعمها المميز وبشيل اي رغوه بتتكون على وجه الملوخيه
- وبقلايه بكون داقه التوم وبحط معلقتين كزبره و٣معالق سمنه وبقدحها منيح لحتى تصير دهبي لونها وبطشها عالملوخيه
- على جنب رز بالشعيريه والجاج بقليه
- صحتين وعوافي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد