→ كل الوصفات
#وصفات_سوريه
المقادير
- 0.5 كيلو ملوخيه يابسه ورق
- 2 راس ثوم كبار
- 3 ملاعق كبار سمنه للتحميص الملوخيه
- دهنه حسب الرغبه
- 4 معالق كبار كزبرة يابسه
- 3 مكعب ماجي
- ملح حسب الرغبه
- بهار اسود
- فروجه كامله كبيره وحسب الرغبه
- لسلق الدجاج نحتاج 👇
- ورق غار
- حب الهيل
- 2 حبه بصل
- شويت قرنفل
طريقة التحضير
- اول شي نغسل الدجاج غسل منيح ومنتركو منقوع بالماء والملح شي ساعة وبعدا منرجعا منغسلا ومنحطا بطنجره ونعبيها ماء ومنضيف الورق الغار ولبصل والهيل ولقرنفل ومنحطا على نار لحتى تغلي منشيل الزفره يلي عوجها 😉 ومنتركا لحتى تستوي
- هلأ انا ماغسلت الملوخيه لاني هي شغل ايد مغسوله وميبسه من تحت ايدين ماما هلأ هيه هيك مبين لونها لاني مشغله فلاش تليفون😊
- بطنجره تانيه نضع السمنه ولدهنه لحتى يدوبو وثوم المدقوق ومنحمصو ومنضيف الكزبرة وبعدين منضيف الملوخيه ومنحمصا شي ربع ساعة لحتى تصير لونها عزهري
- نملص الفروج من العضم ونكت الماء عالملوخيه ونحط الماجي والملح والبهار ونخليها على نار تغلي شوي بعدين منضيف الفروج ونحرك ونتركا شي ربع ساعة ومنطفي عنا النار
- وبالهنا وعافيه على قلبكم يارب ويقدم جنبها رز وفليفله خضره وليمون
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد