→ كل الوصفات

ملوخيه يابسه مع الدقه مع عصرة ليمونه

اكله شتويه لزيزه

  • وقية ملوخيه ناشفه
  • 8 قطع دجاجه مقطعه
  • راس تومه
  • مكعب ماجي
  • معلقتين شوية زيت قلي تقريبا
  1. بجيب الملوخيه بفركها بيدي لازم تكون ناعمه
  2. باخد مرق الدجاج المطبوخ بحط الملوخية بيها وبعدين بخليها تقريبا خمس دقائق تغلي مع التحريك بحط على الغاز مقلى فيه معلقتين زيت قلي بحط التومه لحد ما تتحمر وبكون موطي الغاز على الملوخية بس تتحمر التومه بحطها على الملوخية وبعدين بسقط بيها الدجاج المطبوخ
  3. يا سلام على صوت الطشه تاعت التومه نم نم نم نم لزيزه
  4. طريقة الدجاج:::*
  5. بجيب الدجاج بنظفو منيح بس اخلص بجيب بصله صغيره وسن تومه صغير نص حبة بندوره فليفله بحطهم على الدجاج بالطنجره مع شوية زيت وورق غار وحبتين هيل وبعدين على الغاز لحد ما تنشف ميتهم وبعدين بحط ميه لحد ما تغمري الدجاج بالميه تقريبا نص ساعه او ساعه الا ربع حسب حجم الدجاجه وبنص الاستواء بحط الملح وشوية ماجي وبكمل الاستواء وبالهنا والشفا
  6. بالنسبه للرز كان من إمبارح عندي
  7. حطيت جنبها فجل وجرجير وشطه والزيتون بس هدول حلاوة الشتا مممممممممم
عجبتك الوصفة؟
شوف كل وصفاتنا في مكان واحد
كل الوصفات →