→ كل الوصفات

ملوخيه 😍

اكلات تُعْشَق 👌

  • كيلو ونص ملوخيه, مفرومه ناعم
  • 2 دجاج, مقطعه ومنظفه جيداً
  • 1 بصل, مفرومه ناعمه
  • 1 راس ثوم, مدقوق
  • لسلق الدجاج
  • 1 بصل, مقطعه ارباع او خشن
  • 5 سن ثوم, مقطع
  • ملعقة زيت
  • لتنظيف الدجاج
  • 1 ليمون وقشرو
  • قليل زيت زيتون
  • ملح
  • 3 ورق غار
  • 5 حب هيل
  1. حطي بالطنجرة على النار, بصل مقطعه خشن او ارباع وثوم مقطع وورق غار وحب هيل ومعلقة زيت. لا تحطي اي بهارات تانيه, لأنها رح تغير نكهة الملوخيه وتختلف طعمتها
  2. حطي فوقهم الدجاج المنظف ومقطع زي ما بتحبيه وبتنطقيه (يعني بتقلبيه بلا ماء). تنظيف الدجاج بكون بملح وليمون وقشرو وزيت زيتون 👌, بتدعكيه منيح وبتغسليه وبتبلشي تطبخي فيه
  3. قلبي الدجاج وغطيه ربع ساعه. لاحظي الماء الناتج ولون الدجاج
  4. بتخلي الدجاج يستوي بميته منيح ويصير ابيض من برة
  5. بعدها ضيفيله ماء ساخن وما رح يطلعله زفرة, او رغوه على الوجه. ولو طلعت رح تكون بسييطه لأنو اتنظف منيح قبل ما ينسلق وما رح يكون مزنخ وزِفر
  6. بس يستوي الدجاج, بتصفي المرق من البهارات
  7. بطنجرة تانيه على النار, بتقدحي بصله ناعمه جدا وثوم مدقوق وبتحطي المرق المصفى عليهم
  8. بعدها حطي الملوخيه. اذا كانت الملوخيه مفرزة, بتحطيها على المرقه من الفريزر دغري, لا تطلعيها قبل بوقت تذوب لأنها رح تِسوَد ❌
  9. شيلي عنها الرغوة وخليها تغلي غلوتين, بعد ما ذابت وطفي تحتها. واقدحيلها بالثوم المدقوق وزيت الزيتون او السمن
  10. بتقدري تحمري الدجاج بالفرن او قلي عادي. وبتقدري ترجعيه عليها, هاد حسب ذوقكم الشخصي. حطيها بطبق التقديم وصحتين 😍👌
عجبتك الوصفة؟
شوف كل وصفاتنا في مكان واحد
كل الوصفات →