→ كل الوصفات

ممبار محشى « فوارغ »

طريقة عمل ممبار محشى « فوارغ » سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو ممبار
  • كيلو ونص رز
  • نص كيلو لحمة مفرومه
  • كوب عصير طماطم
  • ملعقتين صلصه
  • ملح حسب الحاجة
  • ملعقة صغيرة فلفل اسود
  • ملعقة صغيرة كمون
  • ربطه كزبرة خضرا مفروم
  • ربطه بقدونس مفروم
  • بصلتين مفرومين
  • 0.5 ملعقة ثوم مهروس
  • ربع كوب ليمون
  • 2 ملاعق سمنه
  • لورا
  • حبهان
  • شويه زيت ذره
  • ربع كوب خل
  • كوب حمص مسلوق
  1. هنغسل الممبار كويس وننقعه فى ميه وملح وخل وليمون ونخليه شويه
  2. هنغسل الرز ونصفيه من الميه ونبدا نحط عليه البصل المفروم, الثوم, عصير الطماطم, البقدونس, الكزبرة, اللحمة المفرومه والصلصه ونقلبهم كويس مع بعض
  3. بعد كدا هنحط السمنه وشويه زيت ونقلبهم كويس على الخلطه
  4. ونحط الملح والفلفل الأسود والكمون ونقلب كويس ونحط الحمص ونقلبه
  5. هنجيب الممبار ونبدا نحشيها لحد ما الكميه تخلص
  6. وفى حله هنحط ميه وملح وفلفل وبصله شرايح ولورا وحبهان ونسبها لحد ما تغلى ونبدا نحط الممبار
  7. ونهدى النار شويه ونغطى عليه لحد ما يستوى
  8. وفى طاسه نحط زيت ونسيبه يسخن ونبدا نحمر الممبار
  9. وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →