→ كل الوصفات
#أكلات_من_القلب الفاتحه لامي الله يرحمها رجاءا مدرستي الاولى في الطبخ
المقادير
- كيلو ارز مصري
- 2 ك بصل
- 1 ك طماطم
- 2 حزم بقدونس
- 2 حزم شبت
- 2 حزم كزبره
- 4 قرون فلفل حار حسب الرغبه
- 3 معالق كبيره ملح
- معلقه بهارات
- معلقه كمون
- معلقه كزبره ناشفه
- معلقه نعناع جاف
- معلقه فلفل اسود
- معلقتين كبار صلصه طماطم
- 0.5 كوب زيت
- كيلو ممبار مغسول جيدا بالملح والخل ومقطع اصابع
طريقة التحضير
- نفرم البصل بس مش اوي وننضف الخضره ونغسلها ونخرطها
- نقطع الطماطم قطع صغيره والفلفل
- نضيف التوابل والصلصه والزيت للخلطه
- نغسل الارز ونصفيه ونضيفه
- نقلبهم كلهم كويس مع زيادة البهارات
- نبدا الحشو بسم الله ولا ننسي التسبيح اثناء الحشو عشان ربنا يسهل
- نضع حله كبيره مملوءه بالماء على النار تغلي اثناء ما نكون بنحشي عشان نكسب وقت
- نسلق الممبار اللي نحشيه حبه حبه مانملاش الحله اوي عشان مايفرقعش ونتركه حتى ينضج الارز
- بعد وقت نجرب واحده للتاكد من نضج الارز
- نطلعه على مصفاه للتخلص من الماء الزايد
- في طاسه بها زيت على النار نبدا في تحميره حتى ياخذ لون ذهبي
- ويقدم مع السلطه الخضرا او فواكه اللحم
- وبالف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد