→ كل الوصفات
#الشيف_الذهبي
المقادير
- الخلطة
- صلصة طماطم
- 2 كوب ارز مغسول
- 2 حبات بصل مفروم
- خضرا (شبت وبقدونس وكزبرة خضرة)
- ملح وفلفل اسود حسب الرغبة
- م ص كمون
- قرفة
- م ص بهارات سبعة
- م ص كزبرة ناشفة
- فلفل حشو وممبار
- زيت
طريقة التحضير
- نجهز الخلطة انا بعتمدها ف اي محشي هعمله
- نضع حلة ع النار وفيها ملعقتين كبار سمنة نضيف عليهم الطماطم المعصورة ومكعب مرقة ورشة سكر ونسيبها تتسبك
- نفرم البصل ناعم شوية ونضع عليهم البهارات كلها وندعكهم ف بعض كويس جداً اول ماتتسبك الصلصة نضيف عليها البصل ونقطع الخضرا ونضيفها عليهم ونقلب ونضيف كمان الأرز المغسول
- نظبط ملحهم ونضيف شوية زيت حلوين ونحشي بقا الفلفل والممبار
- سوا الممبار نحط حلة فيها ماية سخنة وبصل وطماطم وورق لورا وحبهان واول ماتغلي ننزل فيها الممبار ونسيبه من 45دقيقة لساعة بالكتير خالص واول مانطلعه نحمره انا بحب احط معاه ملعقتين صلصة وشوية زعتر وملح وفلفل واحمره ف السمنة
- سوا الفلفل يكون بشوربة فراخ او لحمة والشوربة متغطيش اخر صف ومبياخدش اكتر من نص ساعة وبالهنا والشفا🌸❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد