→ كل الوصفات

مموش على حشو روبيان طري 🦐🍃

أكله خليجيه لذيذة من الآخر

  • 3/4 كوب رز بسمتي
  • 1/4 كوب ماش مغسول ومنقع ساعة
  • مكعبين ماجي
  • 1 بصله مقطعة 🧅
  • حبتين وسط طماطم مقطع 🍅
  • 1 قرن فلفل حار🌶
  • ملعقة صغيره مليانه بهار مشكل
  • رشة كزبرة ناعمه
  • عود دارسين
  • 3 اعواد قرنفل
  • 4 حبات هيل
  • ورقتين غار
  • حبات من الفلفل الاسود
  • 1 لومي اسود صحيح
  • دهن او زبده
  • 1/4 كيلو روبيان طري 🦐
  • حبتين بصل وسط 🧅
  • ملعقة طماطم 🍅
  • 1/4 حزمه بقدونس ☘️
  • ملعقة صغيره هيل ناعم
  • ملعقة صغيره ليمون أسود
  • ملعقة صغيره بهار مشكل
  • ملح
  • دهن او زبدة
  1. طريقة المموش: غسلي ونقعي الرز وحطي مع التنفيع شووي خل ابيض
  2. وفي قدر تحمسين في الدهن البصل مع البهارات الصحيحه لما يذبل تضيفين الطماطم وتخلينه يذبل تضيفين البهارات والماجي والماش وتقلبينه زين وتزيدينه شوي ماء وتخلين الماش لما يستوي ثلاث ارباع استواء
  3. صفي الرز وضيفيه للماش وزيدي الماء الحار لما يصير مستوى الماء اعلى ب١ سم فقط حطي قرن الفلفل الحار وشيلي حبة اللوني اذا تعبت ماء وارفعي النار عاليه لما يشرب اغلب الماء وثم حطي حديده تحته ونزلي الحراره اقل شي وخليه ينشف ويستوي و وزعي قطع زبده او دهن على الوجه وخليه يذوب فوقه
  4. طريقة حشو الروبيان (القريدس): اسلقي الروبيان (القريدس) خمس دقائق في بهارات صحيحه ورق غار هيل قرفة فلفل اسود حبة بصله ثم صفيه عشان الزفره تطلع
  5. في قدر ثاني حطي البصل بدون اي شي وغطيه لما ينشف الماء رشيه ماء زياده وقلبيه عشان اللون اللي طلع تحته ينتشر ويتوحد لون البصل ثم خليه لما ينشف من الماء اللي رشيتيه ثم حطي الدهن وملعقة الطماطم والبهارات والملح وخليه يستوي زين ثم ضيفي له الروبيان (القريدس) المسلوق وقلبيهم زين واختمي بالبقدونس وتقليبه وطفي النار
  6. عند التقديم تحطين المموش وحطي الروبيان (القريدس) على الوجه و قرن الفلفل وحبة اللومي وبالعافيه🌸
  7. حبوب الماش للتوضيح للي ما يعرفه
عجبتك الوصفة؟
شوف كل وصفاتنا في مكان واحد
كل الوصفات →