→ كل الوصفات

ممو في حجر امو (مثوم بالبيض مغلي)

يحمرلك وجهك قدام الضياف 😊😊

  • الكويرات
  • حوالي كيلو لحم مفروم او 100 الف تكفي
  • شوية ملح
  • شوية توابل
  • 2 حبات ثوم
  • 4/5 حبات بيض مسلوق
  • الصلصة
  • كاس حميصة
  • حبة بصل
  • 6 حبات ثوم
  • مغرف صغير ملح
  • ½ مغرف صغير فلفل اسود
  • 1/2 مغرف صغير راس الحانوت
  • شوية زيت
  • 1 دجاج للبنة
  1. الكويرات: نحكم اللحم المفروم مع الملح والتوابل ونسكرفج 2 ثوم ونطم ونضع كويرات كبيرة الحجم قد البيضة. نسلق او نغلي 5 حبات بيض نتركهم يبردوا نقشرهم وهي كاملة دون فتحها نجيب اللحم المفروم ونغطي الحبة تاع البيض نسويها باليد وتضعها في صينية. الافضل اللحم نديروه كويرات صغار
  2. الصلصة: في قدر نفرغ شوية زيت نخليه يسخن ندير فخذ الدجاج نديرلوا الملح نخليه يتقلي مليح نرمي عليه البصل والثوم مرحيين وفلفل اسود وراس الحانوت وكاس من الحمص كي يتقلاو مليح ونضيف حوالي كاس ونصف ماء كي يبدا يغلي نرمي هذيك الكويرات بالبيض
  3. حتى نحس المرق عقد والكويرات طابوا نخرج الكويرات نقسمهم على 2 ونزينهم بالمعدنوس في صحن واسع. الا كانت عندي 5 بيضات كي نقسمهم اولوا 10 حبات في طبسي ندير 2 بالبيض و1 بدون بيض مع الحمص ورشة معدنوس يكفي ل 5 او 6 اشخاص
  4. نفس الشيء مع المثوم بدون بيض نكورهم صغار المرق حسب الرغبة، ابيض: نديروا غير رشة فلفل اسود، برتقالي: نديروا رشة فلفل اسود وراس الحانوت، احمر: نديروا فلفل اسود وراس الحانوت وفلفل احمر رشة. تحبوا تخلطولو شوية زيتون مقطع او فطر مقطع وشهية طيبة 😍😍😘😘
عجبتك الوصفة؟
شوف كل وصفاتنا في مكان واحد
كل الوصفات →