→ كل الوصفات
طريقة عمل مندى دجاج سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كوب ارز بسمى مغسول ومتصفى
- 0.5 فرخة مقطعة
- بصلة كبيرة مبشورة
- طماطماية مبشورة
- 0.5 قرن فلفل اخضر
- فص ثوم
- م ك زبدة
- ملعقة كبيرة زيت
- ملح وفلفل
- ليمون سوداء (لومى)
- عود قرفة
- 3 حبات قرنفل
- ورق اورا
- 2 فص حبهان
- 0.5 مكعب مرقة دجاج
- عصير ليمون
- م ص صلصة (حسب الرغبة)
- كوسة وجزر حلقات تتحط مع الفراخ (حسب الرغبة)
- جزر مكعبات وبسلة تتحط مع الارز (حسب الرغبة)
طريقة التحضير
- نجيب حلة على النار ونحط الزبدة والزيت ونززل بثلثين البصل نشوحه وبعدين التوم وبعدين اللمون اللومى والقرفة والحبهان وورق اللورا والفلفل الاخضر ومكعب المرقة والقرنفل وننزل بنص الطماطم وممكن نزود ملعقة صغيرة صلصة حسب الرغبة وبعدين الرز ربع كوب ماء وملح وفلفل ونقلب ونطفى
- نحط الخليط ده في صينية وعليه كوب ونص ماء ونقفله بالفويل ونعمل فتحات صغيرة في الفويل بالسكينة نجيب باقي البصل والطماطم وعصير اللمون وشوية زيت صغيرين وملح وفلفل ونتبل بيهم الفراخ ونحطها فوق الفويل ونغطيها بفويل تانى وتدخل الفرن عالى اول ربع ساعة وبعدين نوطى حوالى ساعة او ساعة وربع
- نولع فحمة ونحطها في حتة فويل صغيرة وننزل عليها بنقطة زيت ونحطها مع الرز ونقفل بالفويل تانى ونشيل الفويل من فوق الفراخ ونولع الشواية تتحمر شوية والفحمة جوة عادى وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد