→ كل الوصفات
طريقة عمل مندى لحم بسيط سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو لحمه عجل
- 4 حبه بصل
- 3 فص ثوم صحيح
- 4 حبه قرنفل
- 3 حبه هيل صحيح
- 0.5 كيلو رز بسمتى
- 0.5 معلقه كبيره كركم
- معلقه كبيره بهار مشكل
- 0.5 معلقه كبيره فلفل
- 0.5 معلقه كبيره كزبره
- 0.5 معلقه كبيره ملح
- مكعب مرقه لحم
- معلقتين كبيره زبده
- 3 معلقه كبيره زيت
- 3 كوب كبير ميه
طريقة التحضير
- بسم الله نبدا في حله نضيف الميه وحبه بصل صحيح والثوم والقرنفل والهيل وشويه فلفل وشويه كزبره ورشه ملح ونرفع الحله على نار عاليه ونسيبها تغلى
- نغسل اللحمه كويس جداً بالميه والملح وبعد ماتغلى الميه اللى على النار نضيف اللحمه ونهدى النار عليها ونسيبها تستوى بعد ماتغلى شويه حنضيف مرقه اللحمه ليها
- نغسل الرز وننقعه في ميه
- بعد ماتستوى اللحمه نطلعها من الشوربه ونتركها على جنب
- ونحضر حله نضيف فيها نصف كميه الرز وعليها الكركم ورشه فلفل ونضيف شويه شوربه يدوب تغطى الرز ونرفع الحله على النار عاليه بعد ماتغلى نهدى النار الى ان يستوى الرز
- في حله تانيه نضيف باقي الرز ونضيف ليه البهار المشكل ورشه فلفل ورشه ملح والشوربه ونرفعه على النار ونسيبه يستوى على نار هاديه
- في الوقت ده نحضر مقلاه غير لاصقه ونضيف فيها معلقه زبده ومعلقه زيت ونقطع البصل ونحمره كويس جداً لونه يبقاء زى بصله الكشرى ونطلعها من الزيت على ورقه المطبخ ونضع البصله في الثلاجه عشان تفضل ناشفه
- في صينيه صغيره بيركس نرص اللحمه ونسيح الزبده الباقيه ونضيف ليها باقي الزيت ونقلبهم مع بعض ونوزعهم على اللحمه وندخلها الفرن يدوب بس تاخد لون ونطلعها
- نحضر طبق كبيره خاص بالرز ونضيف شويه من الرز اللى بالكركم وشويه من الرز اللى بالبهار المشكل ثم نضيف اللحمه ونوزع البصل على اللحمه زى الصوره
- وبالهنا والعافيه عليكم يارب
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد