→ كل الوصفات

مندي الدجاج بالرز المصري

طريقة عمل مندي الدجاج بالرز المصري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • دجاجة متوسطه
  • كيلو ارز مصري
  • بصله مفرومه
  • ملعقتين سمنه
  • 3 معالق زيت
  • حبهان
  • 2 لومي
  • عيدان قرفة
  • قرنفل
  • مكعب مرقه دجاج (اختياري)
  • لتر ماء
  • مكسرات حسب الرغبه
  • معلقه زبيب
  • بصله مفرومه
  • 3 فصوص ثوم
  • معلقه صغيره كركم
  • علبه زبادي
  • معلقه كبيره خل
  • ملح وفلفل حسب الرغبة
  1. نخلط البصله المفرومه والثوم والزبادي والخل والملح والفلفل والكركم مع بعض ونقسم الدجاجه نصين بالطول ونعمل فيها شقوق ونضعها في التتبيله ونغطي عليها ونتركها في الثلاجه لمده ساعتين
  2. في صينيه فرن نضعها على النار ونضع فيها الزيت والسمن والبصله المفرومه والبهارات الصحيحه كلها ونشوح كويس وبعدين ننزل بالماء والملح والفلفل ونتركها تغلي ونطفي عليها
  3. في طبق صغير نضع ملعقة كبيره زبيب وعليه ملعقة صغيرة كركم ونضع عليها كبشه من المرقه المغليه الى جهزناها في الصينيه
  4. نغسل الارز ونضيفه على الماء الى في الصينيه ونقلب كويس ونضع شبكه على الصينيه ونضع عليها الدجاجه ونقفل عليها كويس بورق الالومونيوم (الفويل)
  5. ندخلها فرن متوسط لمده 10 دقايق وبعدين نهدي النار لمده 30 دقيقه وبعدين نطلعها ونرفع الدجاج ونوزع خليط الزبيب والمرقه والكركم على 3 اماكن في الارز وبعدين نقفل الارز كويس، وعليه الفراخ وندخله الفرن ونولع الشوايه عشان الدجاج يتحمر
  6. اول مايطلع المندي نجيب فحمه مولعه ونضعها في طبق صغير ونضعها في صينيه الارز و الفراخ ونضع على الفحمه ملعقة صغيرة سمن ونقفل كويس عشان نكتم على ريحه الفحم
  7. يتقدم في طبق التقديم وبيكون حبه بيضا وحبه صفرا زي كده 👇
  8. ونضع عليه الدجاجه والمكسرات المتشوحه في السمن ويتقدم بالهنا والشفا ❤
عجبتك الوصفة؟
شوف كل وصفاتنا في مكان واحد
كل الوصفات →