→ كل الوصفات

مندي حار 🌶🍛 مع سلطة الدقوس

هالأكلة باكلها بإيدي من دون معلقة 😋 لذيذة جدا ،، يسعدلي مساكن بكل خير 💐🌹

  • دجاجة كاملة
  • 4 كاسات رز بسمتي أميركي
  • كمشة فلفل أحمر حاااار مجفف
  • 4 بصلات
  • حبتين بندورة
  • معلقتين دبس بندورة
  • معلقتين هال
  • رشة بهارات هندية مشكلة
  • كمشة زبيب
  • كمشة لوز
  • رشة كمون حب
  • ورق غار وقرنفل
  • جزر صغير
  • كمشة بقدونس مفروم
  • ليمونة
  • كركم
  1. حمست البصل لحتى صار لونه بني وضفت عليه البقدونس والفلفل الحار والكمون وورق الغار وباقي البهارات وقشرة ليمونة
  2. سلقت الدجاج بالبصل وورق الغار وعود قرفة وقرنفل وملح وفلفل
  3. بعد الاستواء ضفت مرقة الدجاج ع حمسة البصل وتركتن ليغلوا منيح... و غسلت الرز لضيفوا عليهم
  4. لسلطة الدقوس حطيت بندورة مقشرة وليمونة مفرومة وبقدونس وكمون حب وزيت زيتون وملح وفلفل
  5. غسلت الرز و أضفته على الطنجرة و تركته عالنار مدة عشرين دقيقة ، بس يستوي بخلي الطنجرة مغلقة حوالي ربع ساعة ليمتص الرز جميع النكهات
  6. للوجه حمست لوز وزبيب وجزر
  7. وجنبها سلطة أيضا وصحتين وهنا
عجبتك الوصفة؟
شوف كل وصفاتنا في مكان واحد
كل الوصفات →