→ كل الوصفات

منسف أردني

طريقة عمل منسف أردني سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو ونص لبن زبادي
  • ½ كيلو جميد سائل
  • 2 ونص كيلو لحمة
  • 4 كاسات رز تايجر
  • كاستين رز بسمتي
  • ملعقتين سمن بلدي
  • ½ كاسة زيت ذرة
  • ملعقة كبيرة ملح
  • بيضة +ملعقة صغيرة نشا
  • ½ ملعقة صغيرة كركم
  • ½ ملعقة صغيرة هيل مطحون
  • 4 كاسات ماء مغلي
  • للتزيين
  • لوز انصاص مقلي
  • بقدونس مفروم
  1. بسم الله نبدأ.. نغسل اللحم ونضعه في طنجرة الضغط أو بالطنجرة العادية ونضع المطيبات (هيل حب كبش قرنفل... عيدان قرفة... ورق غار) وبصلة مقطعه أرباع وبنضيف فوقها الماء وبنسلقها لحتى تستوي
  2. بنخلط الرز النوعين سوا واكيد طبعا بنقدر نستعمل نوع واحد وبننقعه لمدة ساعة مع إضافة الكركم لماء النقع وبنغسله منيح وبنصفيه بالمصفاي
  3. بنحط بالطنجرة زيت الذرة وبنتركه يسخن وبعدها بنضيف الرز والملح وبنقلب لمدة عشر دقايق وبنضيف الملح وكاسة ونص من مرق اللحم الساخن وبنضيف الماء المغلي وبنقلب على نار عالية اول خمس دقايق وبنتركه على نار هادية لحتى يستوي الرز
  4. بنخلط بالخلاط اللبن الزبادي مع الجميد والبيضة والنشا ورشة هيل والكركم بطرف الملعقة أو نص ملعقة صغيرة لحتى يعطي لون بين الأبيض والاصفر وبنقدر نستغني عنه بالرز واللبن لكن انا ما بحب يكون لون المنسف ابيض وعلشان الكركم فيه فوائد كتير للجسم وبعد خلطهم بنصبهم بالطنجرة وعالنار مع التحريك المستمر لحتى يسخن بنضيف كاسة من مرق اللحم الساخن أو اكتر شوي لحتى يغلي بنتركه على نار هادئة خمس دقايق وبهاد الوقت بنضيف السمن البلدي طبعا اختياري لكن بعطي طعم بجنن 😋
  5. وهلا صار وقت السكب... بنفرد الرز بالصدر وبنقدر نحط تحت الرز خبز الشراك انا جبته وكنت ناوية احطه ونسيته 😬 وبنرتب اللحمة المسلوقة فوق الرز وبنزينه باللوز المقلي والبقدونس ويقدم بجانب اللبن المطبوخ (المليحية) أو (اللبنية) هيك اسم اللبن المطبوخ عنا بالاردن 😍
  6. طبعا بنسكب اللبن فوق الرز بنفس الصدر وبناكل من نفس الصدر اطيب وبنقدر ناكل بدون ملاعق 👌
  7. َويقدم بجانبه المخللات أو البصل الشرحات مع السماق وصحتين وعافيه ♥️ #رنا_فارس
عجبتك الوصفة؟
شوف كل وصفاتنا في مكان واحد
كل الوصفات →