→ كل الوصفات
طريقة عمل منسف دجاج مع اللبن سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 فناجين رز بسمتي
- 2 كيلو فخاذ دجاج
- 1 حبة بصل, كبيرة
- 5 حصوص ثوم, معصورين
- 2 ملعقة زيت الزيتون
- قليل زيت نباتي
- ليتر ماء, حسب الحاجة
- للبن
- 1 كيلو لبن
- كاستين شاي رز
- ربطة كزبرة, خضراء
- راس ثوم, مفروم ناعم
- 2 ملعقة زيت زيتون
- ملعقة طحين
- ملح
- البهارات
- سبع بهارات
- كركم
- كاري
- بهارات طاووق
- فلفل ابيض
- فلفل اسود
- كزبرة, يابسة
- 4 اوراق غار
- للتزيين
- لوز, محمص
- صنوبر, محمص
- لغسل الدجاج
- ليتر ماء
- 0.25 كوب خل ابيض
طريقة التحضير
- لسلق الدجاج: نفرم البصلة والثوم, و نقليهن بشوية زيت نباتي على النار, ليذبلوا
- منحط عليهن الدجاج المغسول والمنقوع مسبقاً بماء وخل ابيض, لنتخلص من الزنخة
- منقليهن سوى مع البصلة على النار. و منزيد البهارات والملح وورق الغار. منقلب منيح و منزيد ماء, حتى تغمر الدجاج. منضغطن بطنجرة الضغط لمدة 30 - 35 دقيقة تقريبا, ليستوي الدجاج
- منصفي الدجاج المستوي و منحطو بصينية. و نحتفظ بالمرقة و كمان منصفيها
- بطنجرة ثانية,منحط اللبن، ملعقة طحين، ملح، و منضيف مرقة الدجاج عليهن. منخفقن منيح لحتى يصير اللبن متجانس مع المرقة. ونزيدلن كاستين الشاي رز
- منفرم الكزبرة الخضراء مع راس الثوم و منقليهن على جنب على النار مع شوية زيت زيتون, لحتى يصير لونن على اشقر
- الان نأخذ طنجرة اللبن و على نار قوية, منضل نحرك باتجاه واحد, لحتى يغلوا. بخفف النار و بضفلن قلية الكزبرة الخضرا مع الثوم اللي حضرتا قبل. و بخليهن يغلو شي 10 دقائق على نار هادئة, لحتى تستوي حبة الرز. و بطفي. و هيك بيكون اللبن جاهز
- الان منقلي الثوم المفروم مع زيت الزيتون بطنجرة ثانية على النار, ليصير اشقر. و بزيد الرز للمنسف و بزيد البهارات و الماء لحتى يغمر الرز. و بتركن على نار هادئة, لحتى الرز ينشف و ينضج
- نأخذ الدجاج المصفى سابقا و بنثرو و بخليه على جنب
- نقلب الرز المطبوخ في طبق التقديم. و بوزع عليه الدجاج المنثر. و بزين باللوز والصنوبر المحمص. منقدم معو اللبن. و صحتين و هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد