→ كل الوصفات

منسف دجاج 💙😍

المنسف الحب🤤😍 من ازكى الاكلات عند الشعب الاردني ونا لو باكل منسف كل يوم ما بقول لا 🤭🙈😋🤤وعنا بالبيت المنسف ادمان اسبوعي لازم كل اسبوع منسف 🤷🏻‍♀️😜

  • 3 دجاجات
  • كيلو لبن
  • علبة جميد
  • كيلو شنينة (لبن العيران أو لبن الزبادي)
  • 3 كيلو رز مصري
  • ملح
  • ماج
  • ورق غار
  • كركم
  • 3 ارغفهة خبز شراك
  • سمنة بلدية
  • للوجه
  • كاجو او لوز
  • كزبرة
  1. اول شي بنقطع الدجاج وبنغسلو منيح منيح وبعدين بنحطهم بطنجرة وبنشوحهم منيح وبنحط البهارات وبعدين بنحط الماء المغلي ونتركهم ليستوا 👌🏻😋
  2. على جنب بنعمل اللبن 😍 بنخلط اللبن والجميد والشنينة بالخلاط بعدين بنحطهم بطنجرة على الغاز وبنضل نحركهم ليغلوا
  3. بعدين بنحط عليهم شوية من ماء الدجاج وبنحط الدجاج مع اللبن وبنخليهم يغلوا سوا ولما ياخذ الدجاج طعم اللبن بنشيلهم بنحطهم بصينية وبندهنهم سمنة وبندخلهم الفرن لنشويهم
  4. واخيرا وليس اخرا بنعمل الرز 💙 بنحط زيت وسمنة وبنحط الرز وبنحمسو وبعدين الماء والملح وبنخليه يغلي لينشف، بنحطه على نار هادئة لحتى يستوي 😍💙 بنحمس الكاجو بشوية سمنه او زيت 😊
  5. وقت الاكل بنحط خبز الشراك بصدر وبنشربو لبن وبعدين الرز وبنحط عليه الدجاج وبنرشله الكزبرة انا بحب الكزبرة معه اكتر من البقدونس والخيار الكم 🤷🏻‍♀️ وبعدين الكاجو وياويييلي🤤😋😍 صحتين وهنا لقلوبكم 💙😍
عجبتك الوصفة؟
شوف كل وصفاتنا في مكان واحد
كل الوصفات →